Kundalik
20 oktyabr 2015

«Paxtalik» maqollar

Paxta qo‘yguncha paxta ter.


Beva xotinning tushiga er kirar,
Xasharchining tushiga — paxta.


Xasharchining go‘shti harom,
Mehnati — halol.


Aqllik paxta terar,
Aqlsiz pul topar.


Bulbul chamanni sevar,
O‘zbek — paxtani.


Kursdoshingni paxtasi bilan boy bo‘lguncha,
G‘o‘zapoya terib gadoy bo‘l.


Eringan qiz erdan qolar,
Eringan terimchi terimdan.


Beli og‘rimaganni non yeyishini ko‘r, paxtaga chiqmanganni internetda o‘tirishini ko‘r.


O‘ldirsa ham, paxta o‘ldirsin.


Paxtadan kelsa boylik, turmush bo‘larmish chiroylik.


Topgan paxta keltirar, topmagan bir piyoz


Otang paxta, onang paxta.


Talaba yotsa soyada,
paxta qolar poyada.


Yeringdan bir parcha qolsa ham paxta ek, umringdan bir kun qolsa ham paxta ek. (Bu maqol fermerlarga qarata hokim tomonidan aytilgan)


Yordan ayrilsang ham, paxtadan ayrilma.


Zar qadrini zargar bilar, paxta qadrini tergan bilar.


Izlagan olim bo‘lar,
Olim bo‘lgan — paxta terar.


Birovning yurtida bek bo‘lguncha,
O‘zingning yurtingda paxta ter.


Otangni bog‘u-rog‘i bilan qolguncha onangni paxtazori bilan qol.


Chopiqda yo‘q, terimda yo‘q, imtihonda hozir. (Paxtaga chiqmagan talabaga o‘qituvchi tomonidan piching)


Kelinni kelganda ko‘r, paxtani terganda ko‘r.


Yoridan ayrilgan yetti yil yig‘lar,
paxtasidan ayrilgan o‘lguncha yig‘lar.


Ozonda sho‘rva, kechda sho‘rva,
terimchining bo‘ynida to‘rva.


Holvani hokim yeydi, makaronni talaba.


Teshik idish suvda bilinar,
Teshik etak — paxtada.


Paxtazorda makaron yegan talaba yanagi yil qaytib keladi.


Ish biluncha gap bil, «kamolot»chi bo‘lsang paxta ter.


Talabalik paxtasi bilan go‘zal.


Er ko‘rki soqol, yer ko‘rki paxta.


Baliq suv bilan tirik,
O‘zbek — paxta bilan.


Ko‘rpang qaerda bo‘lsa, paxtang o‘sha yerda.


Akmal Nabiev,
eltuz.com

Tag‘in o‘qing
4 aprel 2017
O‘zbekiston Mehnat vaziri Aziz Abduhakimov 30 mart kuni Rossiyadagi ko‘pfunktsiyali migratsiya markazini borib ko‘rdi. Aynan shu yerda Moskvada ishlashni ...
24 avgust 2020
Belarusdagi namoyishlar ortidan prezident Aleksandr Lukashenkoning 23 avgust kuni avtomat va bronejiletda aks etgan videosi ijtimoiy tarmoqlarda memga aylandi. ...
11 fevral 2020
Surxondaryolik Abdug‘ani Erdonov 62 yoshda. U shundan 7 yilini qamoqda o‘tkazmoqda. Tadbirkor va besh farzandning otasi Erdonov Tojikiston foydasiga josuslik ...
25 iyun 2019
“Hamidning ko‘zlariga yosh qalqdi. Boshini chayqab: “Chiqarmikanmiz? Ishonish qiyin, aka”, dedi va og‘ir xo‘rsinib, baland ovozda: – Eh, Guantanamo, ...
Bloglar
6 aprel 2024
Bugungi kunda rus propagandasi faqat rus telekanallari orqali berilyapti degan odam qattiq yanglishadi, chunki propaganda ...
28 mart 2024
Rossiya gumondorlarini qiynagani IShID versiyasini yo‘qqa chiqarmaydi.  Bu yerda bir eski siyqa tryuk ishlatiladi. Spetsslujbada bu ...
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...