Asosiy mavzular
13 iyun 2017

Aziza Niyozmetova: «Ozodbek o‘z hurmatini talab qilayapti»

Davlat idoralari korporativ bazmlarida xonandalar xizmatidan bepul foydalanilishi haqidagi O‘zbekiston xalq artisti Ozodbek Nazarbekov shikoyati turli baxslarga sabab bo‘ldi.

2 iyun kuni «O‘zbekkontsert» idorasi yig‘ilishida bu haqda gapirgan Nazarbekov Madaniyat vazirligida maxsus tijorat bo‘limi ochish va artistlarning korporativlardagi xizmat haqini shu bo‘lim orqali to‘lashni taklif qilgan.

Eltuz nashriga bu yuzadan intervyu bergan xonanda Aziza Niyozmetova Nazarbekovning bu fikrini qo‘llab quvvatlashini bildirdi.

«U tadbirlardan qochishni emas, o‘z hurmatini talab qilayapti», deydi Niyozmetova.

Iskandar Obloqulov: «Uning adolat talab qilishga ma'naviy haqqi yo‘q»

Ozodbek Nazarbekovning chiqishini zalda o‘tirgan uning hamkasblari qarsaklar bilan olqishlashdi, internetda esa artistlar hukumat vakillariga tekin xizmat qilib berishi kerakmi degan munozara ko‘tarildi.

Internetda shuningdek, taniqli artist iddaosiga qarshi, uslubiga ko‘ra buyurtmani eslatuvchi maqolalar va izohlar paydo bo‘ldi.

«Ikkita qo‘shiq aytib qo‘yib, ming dollar oladigan va hukumatga soliq tarzida bir tiyin to‘lamaydigan, kimsan Nazarbekov, ba'zan tekin qo‘shiq aytishidan shikoyat qilayaptilar», deya yozdi o‘zbekistonlik huquqshunos Iskandar Obloqulov.

Maqolada u «oylab kontsert berish bilan tanilgan» Ozodbek Nazarbekovning soliq to‘lamasligini (O‘zP JKning 184 moddasiga ko‘ra) jinoyat ekanini bildiradi.

Uning fikricha, «deyarli barcha mahalliy shou biznesi vakillari kabi, uning ham adolat talab qilishga ma'naviy haqqi yo‘q».

Aziza Niyozmetova: «Biz faoliyatimiz uchun hukumatga soliq to‘laymiz!»

Niyozmetova, to‘ylarga chiqish uchun 15 million so‘m (1830 dollar) to‘lab «O‘zbekkontsert» litsenziyasini olganini aytadi.

«Buning ichida hali soliq yo‘q. Lekin men kontsertimni o‘tkazganimdan so‘ng, 4-5 oydan beri o‘z biznesim bilan ovoraman» deydi u.

U o‘z firmasi borligi, uning soliqlari, yer solig‘i, uy soliqlaridan tashqari, daromad solig‘ini to‘lashi kerakligini aytadi.

«Mana hozir yana bir soliq uchun qog‘oz kelgan. Bunga ko‘ra litsenziya faoliyati uchun, shartli belgilangan summani – 800 ming so‘mni to‘lashim kerak», deydi honanda.

Soliq to‘lamaslik evaziga korporativlarda qo‘shiq aytish kerakmi?

Artistlarning «to‘y puli»ga qonunchilik asosida soliq solish, uning miqdorini belgilash – bu soliq idorasi kompetentsiyasiga oid masala.

Tekinga qo‘shiq aytishdan norozi Ozodbek Nazarbekovni tanqid qiluvchilarning pozitsiyasi esa juda ajablanarli.

Bundan, «agar soliq to‘lamasang, davlat xodimlari bazmida tekin xizmat qilib berishing shart», degan ma'no kelib chiqadi.

Biroq, bu xizmat qanaqasiga to‘lanmagan soliq o‘rnini qoplashi mumkin, degan savol ochiq qoladi.

Eltuz.com

Tag‘in o‘qing
17 yanvar 2018
O‘tgan yili turli darajadagi hokimlarning zo‘ravonligi, so‘kong‘ichlari, qo‘l ostidagilarga bo‘lgan qo‘pol muomalasiga oid xabarlar, ijtimoiy tarmoqlardagi bu haqdagi fikr-mulohazalar ...
19 iyun 2018
O‘zbekiston Davlat xavfsizlik xizmati o‘zining facebokdagi sahifasida bildirishicha, 2014 yili AQSh vatandoshligini olgan asli qashqadaryolik Zokir Aliev AQShda xalqaro ...
23 iyun 2020
Prezident Shavkat Mirziyoev rossiyalik hamkasbi Vladimir Putinning taklifiga binoan, joriy yil 23-24 iyun kunlari amaliy tashrif bilan Moskva shahriga ...
3 iyun 2019
28 may kuni Toshkentda o‘tgan konferentsiyada prezidentning to‘ng‘ich qizi Saida Mirziyoeva mahalliy ommaviy axborot vositalarining «oqsayotgani»ni aytib tanqid qildi. ...
Bloglar
22 noyabr 2024
Qudratlar ayrilgan tuzum, ya'ni demokratiya avtokratiyadan yaxshidir. Bu gapni aytaverib tilim qavardi. Demokratik jamiyat bo‘lgan ...
28 oktyabr 2024
(Eltuzga telegram orqali kelgan maktub) “Xorazm viloyati Urganch tumanlararo sud raisi Yo.A.Almosov janobi oliylarining bugungi ...
24 oktyabr 2024
Bir odam hammaga yaxshilik qilishga so‘z beribdi. Qo‘shnisi kelib uni otini so‘rab olib minib ketganicha ...