Asosiy mavzular
24 may 2019

RTdan va'z: Ketga tepadiganlarni ko‘paytirish kerakmi?

Internetning o‘zbek segmentini stakan deb qarasak, bu stakan ichida vaqti-vaqti bilan to‘fonlar yuz berayotganini kuzatamiz. Ëki Matbuot agentligi bu stakanga aspirin tashlab, to‘fon uyushtiradi.

Troll armiyasi bekorga boqilmaydi.  Ikki juma o‘rtasida kunduz kuni fara yoqish qaroriga qarshi bo‘lganlar lampochkamiz kuyganidan uyim kuygani yaxshi, deb dodu faryod qilishdi. Bir ikki kunda ular ham tinchib ko‘nikib ketishdi.

Masalan, men o‘zim ko‘rgan voqeani aytib beray. Vazelin olaman deb ippodrom bozoriga qarab, jonajon Rossiyada  ishlab chiqilgan «Jiguli» mashinasida yo‘lga chiqdim.

Karimov  paytida bunaqa mashinalar qayda deysiz, boz ustiga, qo‘limda mobil telefon. Mirziyoev boshlagan o‘zgarishlar  sharofati bilan hammaning  qo‘lida telefon.

Yo‘lga qarab ko‘zim yayraydi. Atrofda bitta ham daraxt yo‘q.
Yurtboshimiz bosh vazir bo‘lgan vaqtida bizni quyoshdan to‘sgan daraxtlar kesilib, ko‘kragimizga shabada tekkanini mamnuniyat bilan eslayman.

Bozorga yaqinlashar ekanman, mirshablar viloyatdan kelganlarni tekshirayotganiga ko‘zim tushdi.

Tekshiradi-da endi, shahar bedarvoza emas, bo‘lib ham rezinkadan ham emas. Mana, prezidentimizning to‘ng‘ich qizi ham aytdi, muammo bor deb. Malades qiz.

Yurtimiz rahbari va uning qizlariga nisbatan minnatdorlik tuyg‘ulari bilan qalbim limo-lim bo‘lib bozorga kirib bordim.
Qarang, ilgari faqat bitta «Arnasoy»  vazelini bo‘lar edi, hozir esa Rossiya va Shimoliy Koreyadan  kelgan vazelinlar bisyor.

Rossiyalik oligarx Alisher Usmonov O‘zbekistonga bir vagon vazelin yuboribdi. Xayr-ehson bo‘lsa, shunchalik bo‘lar.

Yurtboshimizning tovuq boqish haqidagi hikmatli gaplari yozilgan shiorni hurmat bilan o‘qib, bozorga kirib vazelin xarid qilib chiqsam, chiqishda tirbandlik paydo bo‘libdi.

Ochered. Nimaga desam, prezident qarori bilan ippodrom eshigidan chiqayotgan odamlar ketiga bir tepdirib chiqishi kerak ekan.
Odamlar ketiga tepdirish uchun navbatida turishgan ekan.

Yaxshi qaror, dedim quvonib. Odamlarning ketiga tepib turmasa, haddidan oshadi. Masalan, Allamjnovning «Ozodlik» muxbirlarining ketiga tepish haqidagi fikriga mutlaqo qo‘shilaman.

Men ham borib ketimga teptirish uchun navbatga turdim.
Bir soatda ham navbatim kelmadi. 

Bozor ma'muriyatiga kirib e'tiroz bildirdim. «Hukumatimiz va prezidentimizning xalqqa g‘amxo‘rlik yo‘lidagi qarorlarini joylardagi sizlarga o‘xshagan byurokratlar bajarmaydi», dedim.

«Nima qilaylik», dedi yurtboshimizning savlatli rasmi ostida o‘tirgan bozorqo‘m Sotdiev Oldiboy aka. 

«Ketga tepadiganlarni ko‘paytirish kerak», dedim men.

Gapimni bozorqo‘m tushundimi yo tushunmadimi, bilmayman.

Ammo bozorqo‘m aylantirib ketimga tepdi-da, «Bezochered teptirgan» odam sifatida turniket chetidagi eshikni kalit bilan ochib chiqarib yubordi.

Zamonamdan aylanay deb xarid qilgan vazelinimni olib, tinchlik, osoyishtalik hukm surayotgan namunali uyimga yetib oldim.

Uyga kelib ijtimoiy tarmoqqa kirib, musaffo osmonimizni ko‘ra olmayotganlarni qarg‘ab, post yozib qo‘ysam, bittasi meni  «sharikov» deb haqorat qildi. Mana uning  gapi:

«Mixail Bulgakovning «Ityurak» asari qahramoni professor Filipp Filippovich Preobrajenskiy o‘z uyida yashayotan Sharikovga sovet gazetalarini o‘qishni man qiladi. Sharikovning siyosat haqidagi gaplarini «astronomik ahmoqlik», deya ataydi.

Internetning o‘zbek segmentida faol bo‘lgan aksariyatning ilmi universitet yoki kutubxonada emas, Rossiya TVsini ko‘rish va radikal-klerikal tiplarning sayoz va'zlarini eshitish asnosida tarkib topganini ko‘ramiz. Qolganiga antiamerikan va antiisroil adabiyotidan iborat oldi-qochdi gaplarni yodlashgan. Rossiyada ularga «vatnik» deyiladi va ziyoli qatlam ular bilan munoqashaga kirishmaydi. Darvoqe, demokratiya dushmani bo‘lgan «vatnik»larga «bor, yo‘qol» deyilsa, sizni tsenzura va demokrat emaslikda ayblaydi. (Buniyam yodlab olgan).

Ayiqning qo‘lida baraban, maymunning qo‘lida smartfon bo‘lgani bilan ular aqlli bo‘lib qolmaydi.

Iqtibos: «V internete vыchitali-s? Da u vas, batenka, s golovoy problemы».

O‘zbek segmenti deb atalgan stakan ichidagi to‘fon edi bu. 

Aslida haqiqiy fojea va ijtimoiy to‘fonlar haqiqiy hayotda sodir bo‘lmoqda. 22 mln. so‘m hamda bitta Samsung telefoni uchun bir oila – 5 kishi qatl qilindi. Qotillar marsdan kelmagan, shu mahalla odamlari. Qotillar orasida 23 yashar yigit ham bor.

Uyi buzilishini  istamagan tayloqlik 33 yashar yigit kadastr xodimlari oldida ustiga benzin quyib, o‘ziga o‘t qo‘ydi. Yigit bir mash'ala kabi yonib kul bo‘ldi. Ortida uch bolasi va xotini izillab qoldi. Shu alanga ham bizning zang bosgan shuurimizni yorita olmasa, demak haqiqatda ham ketga tepishga arziydigan to‘daga aylanib bo‘libmiz.

Assalom, O‘zbekiston, juma muborak.

Video: https://youtu.be/19ZUPRVnZKk

Rassom Tuz
Eltuz.com

Tag‘in o‘qing
30 may 2022
Telegramdagi «Eltuz» Portaliga har kuni ko‘plab shikoyat maktublari kelishda davom etmoqda. Ba'zan ularni mustaqil manbalar orqali tekshirish imkoni yo‘q. ...
9 noyabr 2021
O‘zbekiston prezidenti Shavkat Mirziyoev ikkinchi muddatga qasamyod qilganidan bir kun o‘tib, matbuot erkinligini himoya qilishga va'dalari ortidan hukumat xorijlik ...
15 fevral 2022
Eltuzga 10 fevral kuni tasvirga olib yuborilgan videoda Qashqadaryo viloyatning Qamashi tumani Tolli qishlog‘ining loyli ko‘chalari aks etgan. «Shu ...
25 may 2022
«Eltuz» nashrida chop etilgan “Namangan soliq tizimidagi naxanglar” maqolalari ortidan, nihoyat Namangan viloyat soliq idorasidagi «vaziyat ijobiy tomonga o‘zgargan». ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...