Asosiy mavzular
30 yanvar 2020

Koronavirus bois Qozog‘iston Xitoy bilan barcha qatnovlarni to‘xtatdi

Qozog‘iston Xitoyga va Xitoydan yӯlovchilar transporti qatnovini to‘xtatish bilan birga Xitoy vatandoshlariga viza berishni ham cheklamoqda. 

Bu haqda mamlakat bosh vazirining rasmiy saytida xabar berilgan. 

Xabarda aytilishicha, 29 yanvardan Qozog‘iston va XXR o‘rtasida yo‘lovchilar avtobusi, 1 fevraldan yo‘lovchilar poezdi, 3 fevraldan tizimli aviaqatnovlar, shu bilan birga, Xitoy vatandoshlariga viza berish vaqtincha to‘xtatiladi. 

Sharqiy Turkistondagi telekanallardan skrinshot

4-8 fevral kunlari Xalqaro tennis federatsiyasining Federatsiya kubogi saralash matchlarini XXRning Dunguan shahridan Qozog‘istonning Nur-Sulton shahriga ko‘chirish to‘g‘risidagi takliflar inobatga olinmadi.

12-16 fevral kunlari suv polosi bo‘yicha Osiyo saralash chempionati ham  o‘tkazilmaydi.

Qozog‘iston hukumati huzuridagi idoralararo komissiya vaziyatni kunu tun nazorat qilmoqda. 

Sharqiy Turkistondagi telekanallardan skrinshot

29 yanvar holati bo‘yicha Qozog‘istonda koronavirus infektsiyasi bilan xastalangan bemorlar rӯyxatga olinmagan. Mazkur muammo Qozog‘iston hukumati tomonidan alohida nazoratga olingan.

Ko‘pgina davlatlar Xitoyda koronavirusning yangi shakli (2019-nCoV) tarqalishi bilan bog‘liq vaziyat murakkablashayotgani munosabati bilan mazkur davlat bilan aloqalarni vaqtincha cheklayotgan bir paytda O‘zbekiston hukumati bu borada jiddiy chora-tadbirlar ko‘rmayotgani afsuslanarlidir. 

Hozirgi kungacha O‘zbekiston Tashqi ishlar vazirligining “Xitoyga tashrif buyurmoqchi bo‘lgan O‘zbekiston fuqarolari diqqatiga”, degan bayonoti tarqatilishidan boshqa hech qanday jiddiy choralar ko‘rilgani yo‘q. 

Sharqiy Turkistondagi telekanallardan skrinshot

Unda “vatandoshlarimizning sog‘lig‘iga bo‘lgan ehtimoliy xavf-xatarlarni hisobga olgan holda O‘zbekiston fuqarolariga Xitoyga xizmat, turistik va boshqa maqsadlarda tashrif buyurishdan tiyilib turishlari qat'iy tavsiya etiladi”, deyiladi.

Xitoy hukumati koronavirus xastaligiga chalinganlar va undan vafot etganlarning aniq sonini yashirayotgani haqida shov-shuvlar tarqalmoqda.

Rasmiy manbalarda kasallikka chalinganlar soni olti mingdan, vafot etganlar soni esa 132 nafardan sal ko‘p, deya ma'lumot berilmoqda. 

Biroq “Eltuz” bilan suhbatda xitoyliklar hukumat tarqatayotgan rasmiy ma'lumotlar noto‘g‘ri ekanini bildirishdi. 

Biz bilan suhbatda bo‘lgan sharqiy turkistonlik millatdoshimiz Gulinam Emin koronavirus o‘z yurtiga ham kirib kelganini, mintaqada 50 dan ko‘p kishi kasallikka chalinganini, ular orasida bir nafar millatdoshimiz, ya'ni o‘zbek ham borligini, ayni chog‘da Xo‘tan kasalxonasida davolanayotganini ma'lum qildi. 

Ayni paytda bu ma'lumotning rasmiy tasdig‘i yoki inkori “Eltuz”da yo‘q.

Eltuz.com muxbiri

Tag‘in o‘qing
18 sentyabr 2020
Yaxshilik, ezgulik va odamlarga qayishish haqida gapirgim keldi bugun. Ko‘zlarimga xunuk dunyoni ham go‘zal ko‘rsatadigan rangli ko‘zoynak taqqim keldi. ...
18 may 2022
Qashqadaryo viloyati Koson tumani jinoyat ishlari sudi 17 may kungi sud majlisida qamoq bilan bog‘liq jazo tayinlangan ingliz tili o‘qituvchisi Dildora Hakimovani sud ...
6 aprel 2020
Karantin bois uyda o‘tirgan o‘zbek shoiri va muxolifat lideri Muhammad Solih endilikda kitob o‘qishga va yangi asarlar yozishga ko‘proq ...
9 mart 2024
Salom qadrli muxlislar Eltuzga kelayotgan so‘nggi beshta maktubni o‘qib eshittiramiz. Ular O‘zbekistonning Namangan, Toshkent, Jizzax, Buxoro va Xorazm viloyatlaridan ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...