Voyaga yetmagan qizning sazoyi qilinishi yuzasidan jinoiy ish ochildi

Joriy yilning 13 parel kuni yuz bergan Eltuzda yoritilgan xolat yuzasidan rasmiy munosabat bildirildi. Eltuzning telegram kanalida Madina Ismoilova ismli faol sahifasidan olingan video e'lon qilingan edi. Unda kattaroq yoshdagi maktab o‘quvchisi kichikroq o‘quvchi qizni boshqa qizlar ko‘zi o‘ngida urib sazoyi qilayotgani va tiz cho‘kib kechirim so‘rashga majbur qilgani aks etgan.

Joriy yilning 13 aprel kuni taxminan soat 12.30 larda voyaga yetmagan, 2006 yilda tug‘ilgan H.S. va 2007 yilda tug‘ilgan D.U.lar Yangihayot tumani 8-hududdagi qurilishi tugallanmagan ob'ekt hududida jamoat tartibini buzib, jamiyatda yurish-turish qoidalarini qasddan mensimasdan, voyaga yetmagan 2009 yilda tug‘ilgan S.X.ni urib, yengil tan jarohati yetkazgan.

Mazkur holat yuzasidan Yangihayot tumani Ichki ishlar Tergov bo‘limi tomonidan O‘zbekiston Respublikasi Jinoyat kodeksining 277-moddasi («Bezorilik») bilan jinoyat ishi qo‘zg‘atilgan. Tergov davom etmoqda, deyiladi ichki ishlar idorasi rasmiy munosabatida.

Madina Ismoilova xolat Toshkent shahridagi 331 maktabda sodir bo‘lgani, unga videoni ota onalar tashlab berganini bildirgan. «Afsuski, direktor va voyaga yetmaganlar bilan ishlaydigan inspektorlarning yordami ish bermaganidan keyin ota-onalar menga ushbu videolarni tashlab berishdi!  Kim bu narsaga chora ko‘radi? Qachon ota-onalar bolasi uchun xavotir olmaydi? Jamoatchilik mazkur voqealarga chora ko‘rishlarini so‘rashmoqda» deya yozgan edi. 

@eltuz