Асосий мавзулар
30 январ 2020

Коронавирус боис Қозоғистон Хитой билан барча қатновларни тўхтатди

Қозоғистон Хитойга ва Хитойдан йӯловчилар транспорти қатновини тўхтатиш билан бирга Хитой ватандошларига виза беришни ҳам чекламоқда. 

Бу ҳақда мамлакат бош вазирининг расмий сайтида хабар берилган. 

Хабарда айтилишича, 29 январдан Қозоғистон ва ХХР ўртасида йўловчилар автобуси, 1 февралдан йўловчилар поезди, 3 февралдан тизимли авиақатновлар, шу билан бирга, Хитой ватандошларига виза бериш вақтинча тўхтатилади. 

Шарқий Туркистондаги телеканаллардан скриншот

4-8 февраль кунлари Халқаро теннис федерациясининг Федерация кубоги саралаш матчларини ХХРнинг Дунгуан шаҳридан Қозоғистоннинг Нур-Султон шаҳрига кўчириш тўғрисидаги таклифлар инобатга олинмади.

12-16 февраль кунлари сув полоси бўйича Осиё саралаш чемпионати ҳам  ўтказилмайди.

Қозоғистон ҳукумати ҳузуридаги идоралараро комиссия вазиятни куну тун назорат қилмоқда. 

Шарқий Туркистондаги телеканаллардан скриншот

29 январь ҳолати бўйича Қозоғистонда коронавирус инфекцияси билан хасталанган беморлар рӯйхатга олинмаган. Мазкур муаммо Қозоғистон ҳукумати томонидан алоҳида назоратга олинган.

Кўпгина давлатлар Хитойда коронавируснинг янги шакли (2019-nCoV) тарқалиши билан боғлиқ вазият мураккаблашаётгани муносабати билан мазкур давлат билан алоқаларни вақтинча чеклаётган бир пайтда Ўзбекистон ҳукумати бу борада жиддий чора-тадбирлар кўрмаётгани афсусланарлидир. 

Ҳозирги кунгача Ўзбекистон Ташқи ишлар вазирлигининг “Хитойга ташриф буюрмоқчи бўлган Ўзбекистон фуқаролари диққатига”, деган баёноти тарқатилишидан бошқа ҳеч қандай жиддий чоралар кўрилгани йўқ. 

Шарқий Туркистондаги телеканаллардан скриншот

Унда “ватандошларимизнинг соғлиғига бўлган эҳтимолий хавф-хатарларни ҳисобга олган ҳолда Ўзбекистон фуқароларига Хитойга хизмат, туристик ва бошқа мақсадларда ташриф буюришдан тийилиб туришлари қатъий тавсия этилади”, дейилади.

Хитой ҳукумати коронавирус хасталигига чалинганлар ва ундан вафот этганларнинг аниқ сонини яшираëтгани ҳақида шов-шувлар тарқалмоқда.

Расмий манбаларда касалликка чалинганлар сони олти мингдан, вафот этганлар сони эса 132 нафардан сал кўп, дея маълумот берилмоқда. 

Бироқ “Элтуз” билан суҳбатда хитойликлар ҳукумат тарқатаётган расмий маълумотлар нотўғри эканини билдиришди. 

Биз билан суҳбатда бўлган шарқий туркистонлик миллатдошимиз Гулинам Эмин коронавирус ўз юртига ҳам кириб келганини, минтақада 50 дан кўп киши касалликка чалинганини, улар орасида бир нафар миллатдошимиз, яъни ўзбек ҳам борлигини, айни чоғда Хўтан касалхонасида даволанаётганини маълум қилди. 

Айни пайтда бу маълумотнинг расмий тасдиғи ëки инкори “Элтуз”да йўқ.

Eltuz.com мухбири

Тағин ўқинг
21 феврал 2023
Журналист Раҳимжон Раҳмат ёзади: Шу,  кам таъминланган тоифа аллада азиз,  тўрвада майизга айланиб кетяпти.  Майли,  камбағал тоифаларга ун, ёғ,  ...
19 август 2019
«Жамол ака менга бақрайиб туриб, бирданига кулиб юборди. – Нимага куласиз? – деб сўрадим Жамол акадан. – Мелиевнинг хона ...
6 декабр 2021
Германиядаги Ўзбекистон инсон ҳуқуқлари форуми раҳбари Умида Ниёзова 4-5 декабрь кунлари Ўзбекистонда фермерлар билан учрашди. «Элтуз» илгари хабар қилганидек, ...
23 феврал 2022
Билгичларнинг айтишича, Игорь Шепелнинг Швейцариядаги банкда 2 миллион 817 минг швейцария франкига эга бўлгани кўплаб ўзбек чекистларини шокка туширган. ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...