Catira
20 avgust 2020

O‘zbekistonda AES qurilishi shartnomasi hali tayyor emas

Rossiyaning «Nezavisimaya gazeta» nashriga ko‘ra, O‘zbekistonda atom elektr stantsiyasi (AES)ni qurish bo‘yicha shartnoma hali tayyor emas, Rossiya tomoni bilan muzokaralar davom etmoqda.

Bu haqda dushanba kuni jurnalistlarga O‘zbekiston energetika vazirining o‘rinbosari Sherzod Xo‘jaev ma'lum qildi. «Aytishim mumkinki, biz shartnomaning barcha detallarini muhokama qilish uchun marra chizig‘iga yetib keldik», dedi Xo‘jaev.

Vazir o‘rinbosarining so‘zlariga ko‘ra, tomonlar shartnomani «kamchiliklarsiz», o‘zaro manfaatli tarzda imzolash uchun barcha texnik va moliyaviy unsurlarini ishlab chiqishmoqda. Ikki mamlakat rahbariyati imzolash muddatlari bo‘yicha bir-biriga qat'iy shartlar qo‘ymayapti, deya qo‘shimcha qildi u.

Fevral oyi oxirida «Rosatom» davlat korporatsiyasi rahbari Aleksey Lixachyov O‘zbekistonda atom elektr stantsiyasi uchun EPC shartnomasini (shartnoma ishning uch bosqichini o‘z ichiga olgan: loyihalashtirish, uskunalar xaridi va qurilish – tahririyatdan) 2020 yil iyunida imzolash kutilayotganini aytgan edi.

Londondagi Sharq va Afrika tadqiqotlari instituti tahlilchisi Alisher Ilhomov hukumatning O‘zbekistonning Jizzax viloyatida atom elektr stantsiyasini qurish va «Rosatom» bilan tegishli bitim tuzish haqidagi qarori O‘zbekiston manfaatlariga javob bermaydi, deya hisoblaydi.

«Bu stantsiya qurilishi butun mamlakat uchun iqtisodiy jihatdan zararli va xavfli bo‘lgan rejadir. Iqtisodiy nuqtai nazardan, muqobil energiya manbalari, ayniqsa, qayta tiklanadigan energiya turlari O‘zbekistonga atom elektrostantsiyalariga qaraganda ancha ko‘p va tezroq iqtisodiy samara beradi», deydi Alisher Ilhomov.

Joriy yilning fevral oyida O‘zbekiston Energetika vazirligi «yaqin kelajakda» AES qurilishining atrof-muhitga ta'sirini baholash bo‘yicha mamlakatda va qo‘shni davlatlarda, xususan, Qozog‘istonda jamoatchilik muhokamalari o‘tkazilishi haqida xabar qilgan edi.

Eltuz.com

Tag‘in o‘qing
5 noyabr 2018
Xalqaro Olimpiya qo‘mitasi noroziligiga qaramay, 3 noyabr kungi majlisida AIBA – Xalqaro havaskor bokschilar uyushmasi 66 yashar G‘afur Rahimovni ...
4 may 2023
Turkistonni ishg‘ol qilgan rus bosqinchi generali fon Kaufmanga Toshkentning bosh xiyobonida 1913 yilning 4 mayida yodgorlik o‘rnatilgan edi. Ushbu ...
7 noyabr 2018
Qo‘shko‘pir tumani hokimligidagi tungi majlisni yoritmoqchi bo‘lgani uchun yetti sutkaga qamalib, 5 noyabr kuni ozodlikka chiqqan urganchlik 47 yashar ...
25 mart 2024
O‘zbekistonlik xudkush hujumchi o‘zini Qandaxordagi Bank yaqinida portlatib yuborgani haqida Rossiya nashrlari xabar bermoqda. Asli o‘zbekistonlik xudkush-terrorchi Asadbek Madiyarov ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...