Asosiy mavzular
3 may 2021

Madaniy meros departamenti “Eltuz” xabariga raddiya berdi

Madaniyat vazirligi Madaniy meros departamenti matbuot xizmati “Eltuz”ning telegram kanali va Facebook ijtimoiy tarmog‘ida joriy yil 24 aprel kuni e'lon qilingan xabarga raddiya berdi. 

“Eltuz” xabarida Xivaning Ichan qal'asidagi Toshhovlining ikkinchi qavatidagi tarsayvonning o‘yma, naqshli qadimiy ustunlari sotib yuborilib, o‘rniga zamonaviylari qo‘yilgani aytilgan edi. 

Shuningdek, unda Ichan qal'a tagidagi xarsang toshlar ham qazib olingani, bu esa qum ustida qurilgan shahar uchun halokatli oqibatlarga olib kelishi bildirilgandi.

Madaniy meros departamenti matbuot xizmati “Eltuz”ga jo‘natgan bayonotda ma'lum qilinishicha, 2018 yilda temiryo‘l vokzali qurish uchun Xiva shahrining Ota darvoza deb ataluvchi tarixiy devorlaridan bir qismi buzib tashlangani haqidagi ma'lumotlar asossizdir.

“Eltuz” o‘z sahifasida e'lon qilgan fotosuratda ko‘rinib turgan yo‘l Ko‘hna Ark majmuasi haram qismining oldi va aholi xonadonlari o‘rtasidan o‘tkazilgan yo‘ldir. 

Ushbu yo‘lning tabiiy tosh qoplamalari olib qo‘yilishiga sabab shuki, yo‘l tagidan o‘tkazilgan oqova suv tizimini yaxshilash uchun ta'mirlash ishlari amalga oshirilmoqda”, deyiladi departament bayonotida.

Unda aytilishicha, bu ishlar 2021 yilda Xiva shahrida YuNYeSKO bilan hamkorlikda o‘tkazilishi rejalashtirilgan “Markaziy Osiyo dunyo tsivilizatsiyalari chorrahasida” xalqaro madaniyat forumiga tayyorgarlik doirasida o‘tkazilmoqda. 

Departament eskirgan oqova sim tizimi yangilangandan so‘ng yo‘ldan olib qo‘yilgan toshlar yana joyiga qaytarilishi, aslida bu toshlar qadimiy emas, balki ulug‘ alloma Al-Xorazmiy yubileyi munosabati bilan 1983 yilda o‘rnatilgan bo‘lib, ular tarixiy ahamiyatga ega emasligini ta'kidlagan. 

“Amalga oshirilayotgan ta'mirlash ishlari natijasida Xiva vayron emas, balki obod bo‘ladi.  Ichan qal'ada hech qanday madaniy meros ob'ektlari buzilmagan”, deyiladi departament bayonotida. 

Tag‘in o‘qing
25 fevral 2022
O‘zbek internetini kuzatsam, ekstremal g‘oyalarni, jinoyat va urushni qo‘llab-quvvatlovchilar juda ko‘pligiga e'tibor beraman. Faqat putinparastlarni nazarda tutmayapman, turli qarash ...
22 noyabr 2022
Joriy yilning 9 noyabr kuni Tokiodagi imperator saroyida O‘zbekiston Respublikasi Bosh vazirining o‘rinbosari, turizm va madaniy meros vaziri Aziz ...
16 yanvar 2024
Salom qadrli muxlislar, bugun 16 yanvar Eltuz o‘zining kundalik ko‘rsatuvlarini davom ettiradi. Rossiyada mardikorlik qilgan 35 yashar o‘zbek Shexnazar ...
20 fevral 2017
O‘zbek prezidentining Moskvaga safariga to‘g‘ri keladigan sirli ko‘rgazma ortidagi gap-so‘zlar Rossiya matbuoti Nukusdagi Savitskiy nomidagi muzey durdonalaridan tarkib topgan ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...