O‘zbekiston g‘alla yetishtirish uchun Rossiyadan yer ijaraga olmoqchi

O‘zbekiston Rossiyadan 1 million gektar yerni ijaraga olishga harakat qilmoqda, bu 2,5 million tonna g‘alla olish imkonini yaratadi, deya xabar berdi 4 oktyabr kuni Akipress.com nashri.

Xabarga ko‘ra, o‘zbek fermerlari uchun Rossiya tuproqlarida qishloq xo‘jaligi ekinlari yetishtirish imkonini beruvchi bitimga erishish uchun Rossiya va O‘zbekiston o‘rtasida muzokaralar olib borilmoqda.

O‘zbekiston qishloq xo‘jaligi vaziri Jamshid Xo‘jaevdan iqtibos keltirilgan xabarda ta'kidlanishicha, muzokaralar qishloq xo‘jaligi vazirlari darajasida yuritilmoqda va oktyabr oyida yana bir uchrashuv rejalanmoqda.

Dengiz yo‘llari bo‘lmagan O‘zbekiston hosildor yerlar va suv zaxiralari tanqisligini boshdan kechirmoqda, bu uning qishloq xo‘jaligi potentsialini chegaralaydi.

O‘zbekiston 2020-2021 moliya yilida 1,4 million gektar maydonda 6,5 million tonna bug‘doy yetishtirganiga qaramay, 3,7 million tonna bug‘doyni chetdan xarid qiladi.

2017-18 yilardan boshlab O‘zbekistonda bug‘doyning yakuniy zaxiralari yiliga 2 mln. tonnaga pasaygan, jumladan, 2019-2020 yillarda pasayish 1, 4 mln. tonnani tashkil etgan.

O‘zbekiston so‘nggi ikki yilda (bug‘doy ekvivalentida) 600 000 tonna mahsulot harid qilib, bug‘doy uni importi bo‘yicha dunyoning yetakchi mamlakatlari sirasiga kirgan.