Yaponiya imperatori o‘zbek vazirni oliy orden bilan mukofotladi

Joriy yilning 9 noyabr kuni Tokiodagi imperator saroyida O‘zbekiston Respublikasi Bosh vazirining o‘rinbosari, turizm va madaniy meros vaziri Aziz Abduhakimovni Yaponiya oliy mukofoti Buyuk kordon – «Chiqayotgan Quyosh ordeni» bilan taqdirlash marosimi bo‘lib o‘tdi. An'anaga ko‘ra, orden Yaponiya imperatori Naruxito tomonidan bosh vazir Fumio Kisida ishtirokida taqdim qilindi.

«Chiqayotgan Quyosh ordeni» mukofoti Yaponiya va O‘zbekiston o‘rtasidagi do‘stona munosabatlarni mustahkamlashga qo‘shgan uzoq muddatli hissasi e'tirof yetilganidan dalolat beradi.
Yaponiya bosh vaziri Fumio Kisida bilan norasmiy suhbat chog‘ida bu pandemiyadan keyingi birinchi marosim ekanligini, bu ramziy ma'noga ega ekanligini ta'kidlab, bugun Yaponiya uchun sheriklik katta ahamiyatga ega bo‘lgan mamlakatlar vakillari mukofotlanganini qo‘shimcha qildi. Suhbat yakunida Fumio Kisida mukofotlangan mamlakatlar xalqlariga o‘zining samimiy tilaklarini yetkazishni so‘radi.

Ta'kidlash joizki, O‘zbekiston vakili Aziz Abduhakimov bu yil MDH mamlakatlari orasida yagona va katta tasmada chiqayotgan Quyosh ordeni bilan taqdirlanganlar orasida eng yoshi hisoblanadi.

Orden haqida

«Chiqayotgan quyosh» Yaponiyaning eng qadimgi mukofoti. 1875 yil davlat Kengashi qarori bilan tashkil etilgan Chiqayotgan Quyosh ordeni faqat erkaklar uchun bo‘lib ham harbiy, ham grajdanlar uchun berilgan.

1875 yil dekabrda Tokioda ordenning birinchi taqdirlash va taqdimot marosimi bo‘lib o‘tgan edi. Mukofotning yuqori maqomini ta'kidlash uchun imperator va imperator oilasining yetti a'zosi birinchi kavalerlar bo‘lishdi. Imperator oilasidan bo‘lmagani xolda orden olgan ilk kishi 1876 yil fevral oyida zobit Saygo Tsugumichi bo‘ldi.

2003 yilda orden berish qoidasi o‘zgartirildi. Endi orden bilan ayollarni mukofotlashga izn berildi. Aziz Abduhakimov bu ordenga sazovor bo‘lgan eng yosh siyosatchidir.

@eltuz