Asosiy mavzular
7 fevral 2023

EP56: Gaz, chiroq, suv muammosi, hokimlar harajati va Toshkent shahridagi noqonuniy qurilishlar

Eltuz portaliga kelgan navbatdagi 5 ta shikoyatni o‘qib eshittiramiz. Dastlabki shikoyat Farg‘ona viloyatining Oltiariq tumanidan. Qiziltepa QFY turg‘uni Nigora Yodgorova O‘zbekistonning eski dardi – gaz, chiroq va suv yo‘qligidan nolimoqda.

“Obod qishloq” dasturi bizning ko‘chani chetlab o‘tdi

Salom, eltuz! Men – Nigora Yodgorova, Farg‘ona viloyati Oltiariq tumani Qiziltepa QFYdan murojaat yo‘llayapman. Bizning qishloqda gaz yo‘q, chiroq ham tayinli yonmaydi. “Obod qishloq” dasturi doirasida asosiy yo‘llardagi simyog‘ochlar yangisiga almashtirildi, eski quvurlar olib tashlanib yangi ichimlik suv quvuri tortildi. Lekin bizning mahalla qishloq o‘rtasida joylashganiga qaramay, negadir “Obod qishloq” dasturi ko‘chamizni chetlab o‘tdi. Bizda suv yo‘q, simyog‘ochlar xavfli ahvolda. Hurmatli Prezidentimiz! Farg‘ona bo‘ylab tashrifingiz haqida eshitdik. Iltimos, bizning qishlog‘imizga ham kelsangiz!
Keyingi maktub Andijondan Bo‘ston tumani turg‘uni yo‘llagan shikoyatida tuman byudjetidan hokimlik tadbirlari uchun oshiqcha mablag‘lar sarflanayotganini aytmoqda.

Tuman mablag‘i to‘g‘ri sarflanmoqdami?

Andijon viloyati Bo‘ston tumani hokimi 30 yanvar kuni zaxira mablag‘ini taqsimlashga doir farmoyish imzolabdi. 1 milliard so‘mdan oshiq mablag‘ning asosiy qismi hokimiyat tizimiga sarflangan. Masalan, tadbirlar uchun 100 million, fosterlar uchun 50 million, obodonlashtirish boshqarmasiga manzarali daraxt va gul ko‘chatlari sotib olish uchun 320 million so‘m ajratilgan. Mablag‘ to‘g‘ri sarflanmoqdami? Bizningcha, mablag‘larning o‘z joyiga ishlatilishini aholi onlayn ko‘rib turishi kerak.
Toshkent shahrining Yangihayot tumani turg‘uni noqonuniy qurilishlardan shikoyat qilmoqda.
Ko‘p qavatli uylar o‘rtasida o‘zboshimchalik bilan qurilish boshlandi
Toshkent shahri Yangihayot tumani 5 A hududda joylashgan 47- va 46-uylar oldida joylashgan yer maydonida noqonuniy qurilish boshlandi. Qurilishning na pasporti bor, na tayinli odam bu haqida xabar bera oladi. 29 yanvar kuni yer maydoni o‘zboshimchalik bilan o‘rab olindi va ertasiga ekskavator bilan kovlash ishlari boshlandi. Aholi bundan norozi. Chunki 4 ta uy o‘rtasidagi bo‘sh yer bolalar dam olish joy qilish uchun tashlab ketilgan edi. Bu yerda qurilish qilish mumkinmi? Tuman hokimiyati va mutasaddilardan izoh kutib qolamiz.
Keyingi maktub Namangandan. Yana ichimlik suvi muammosi haqida.

Ichimlik suvi sabab ba'zida janjal ham chiqyapti

Namangan viloyati Pop tumani Vodiy MFYdan murojaat yo‘llayapmiz. Qishloqda ichimlik suvi muammo. Suv jildirib oqib turadi, shunga aholi navbatda turamiz. Ba'zida suv sabab janjallar ham chiqadi. Tuman mutasaddilarining holat bilan ishi yo‘q. Viloyat va respublika mas'ullaridan amaliy harakat kutib qolamiz.
Keyingi maktub yo‘lkira, isitish tizimi va o‘qish bilan bog‘liq, Namangan davlat universiteti talabasi yozmoqda.

Fakultetimiz xonalarida isitish tizimi yaxshi ishlamayapti

Namangan davlat unversiteti talabasiman. Farg‘ona viloyatidan kelib o‘qiyman. O‘qish boshlanishi bilan yo‘lkira narxi oshib ketdi. Ijtimoiy fanlar fakulteti xonalarida isitish tizimi ham yaxshi ishlamayapti. O‘qishning ilk kuniga yakuniy qo‘yishibdi, ammo u ham kech boshlanyapti. Mutasaddilar holatga e'tibor qaratsa yaxshi bo‘lardi.
+++
Bu sizga bugun o‘qib eshittirganimiz so‘ngi beshta shikoyat edi. Eslatib o‘tamiz. eltuz portali interaktiv tarzda telegram kanalida alohida sahifa shaklida ochilgan. Murojaatlar uchun u yerga maxsus bot ham o‘rnatilgan. Eltuz kelayotgan shikoyatlar, takliflar va ularga yozilgan javoblarni ham e'tiboringizga taqdim etishga intiladi. Kun davomida biz bilan qoling. Kanallarimizga obuna bo‘ling.  

Tag‘in o‘qing
12 sentyabr 2019
“Bizdan jiz-z!”ning bugungi sonida Do‘stnazar Xudoynazarov tovuq kabob qanday tayyorlanishini namoyish qiladi. Bu galgi video Shvetsiyaning so‘lim tabiati fonida ...
31 dekabr 2018
Prezident Mirziyoevning tovuq, echki boqib, limon ekib daromad topish populistik iqtisodiy-siyosati 2019 yil arafasiga kelib butunlay yo‘qqa chiqdi. Oxirgi ...
10 yanvar 2023
Rassom Tuz @eltuz
29 mart 2019
Bizni yemirguvchi illatlar haqida gapirsam. Bu kalimani yuz yil oldin Mahmudxo‘ja Behbudiy aytgan edi. Mavzuga kirishdan oldin avvalgi safar ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...