Catira
2 avgust 2016

Xo‘jako‘rsinga bo‘yalgan archalar…

Ko‘zbo‘yamachilikning bu usuli Toshkentda Mustaqillikning 25 yilligi oldidan qilinayotgan xo‘jako‘rsin amaliyotlarning bir qismi ekani aytilmoqda.

«Chinorlarni chopishmoqda – archalarni bo‘yashmoqda(((( degradatsiya» – deya izoh qoldiradi Farida Sharif ismli ayol qo‘ygan rasmga Yelena Savchenko ismli ayol.

Aerozol bilan bo‘yalgan qurigan archalar surati Feysbukka tashlanishi bilan munozara boshlandi.

«Potemkin qishloqlari.. Illyuzion» deya pisanda qildi Ikrom ismli yuzer.

Bilganlar, bu amaliyot O‘Zbekiston uchun yangilik emasligi, har yili Mustaqillik oldidan archalar bo‘yalishini aytishsa, boshqalar buni, Toshkent hiyobonlaridagi kesilgan behisob navqiron daraxtlar o‘rini bildirmaslik uchun qilinganiga sha'ma qilashadi.

«Oddiy archalarni kumushrang qilib ko‘rsatmoqchi bo‘lishgan shekilli?)))» deya kuladi rasmni ko‘rib, zaharxanda bilan yana bir yuzer.

«Farida! Bu axir sovka – hamma narsani yaltiratib, yalab yulqab ko‘rsatish qisqasi… Bu SSSRni eslatmaydimi? Tag‘in ham!)) (Ahmoqona) odatlar va tartib o‘zgarmagan, ko‘rib turibmiz!» deydi Yekaterina Malosabirova.

«Agar Mustaqillik qishda bo‘lganida, oq bo‘yoq bilan qorlarni aks ettirishgan bo‘lishardi» deydi uning fikrini davom ettirib Farida.

Hazilni yig‘ishtirib, bu maynavozchilik kimga kerak degan savolga javob berarkan, Farida, daraxtlar qurigani va kim uchun bo‘yalganini ochiq aytadi.

«Aslida ular archalarga ham tupurishgan, muhimi katta boshliqlari samoviy go‘zallikni ko‘rishlari kerak», deydi u.

Issiq iqlimga chidamay qurigan bu archalarning bir vaqtlar «daraxtkesar hukumat raxbarlari» zug‘umi ostida aholiga majburan ektirilgani ham aslida ko‘pchilikka sir emas.

«Aqldan ozishning hamma alomatlari ko‘rinib qolibdi… archalarda! Ahir bu diagnoz, o‘rtoqlar! Va shu alomatlardan allaqachon anamnez yetishib keladi», deydi munozarani davom ettirib Galina Dolgaya

«Qisqasi ko‘zyosh aralash kulishda davom etamiz», deydi zaharxanda bilan Yekaterina ismli FB yuzeri .

Xullas, sirti yaltiroq bu archalar bilan O‘zbekiston prezidenti Islom Karimovdan boshqa hech kimni aldash mumkin emasligini hamma biladi.

«Tag‘in Amir Temurning toshdan yasalgan otidan boshqa…», – deya qo‘shimcha qiladi bu haqda yangi hajviy asarini hozirlab, Eltuz.com nashriga yo‘llagan rassom Tuz.

Rassom Tuz
Eltuz.com

Tag‘in o‘qing
29 aprel 2016
«Hurriyat» gazetasida Xalqaro yoshlar birdamlik kuni munosabati bilan e'lon qilingan maqolada bugungi kunda dunyo yoshlari muammolar girdobiga botib qolgani, ...
25 oktyabr 2023
MTRK boshlovchisi Dilshoda Matchonovaning O‘zbekiston konstitutsiyasida qoralangan irqchilik, qirg‘inni qo‘llab-quvvatlab 70 millon kishini o‘choqda yoqqan Gitlerga oshiq bo‘lgani jurnalistika ...
9 dekabr 2020
O‘zbekistonlik kleptokratlar tomonidan o‘marilgan va chet elga olib chiqib ketilgan milliardlab dollar mablag‘ni mamlakatga qaytarish masalasi tobora dolzarblashib bormoqda. ...
28 noyabr 2018
2009 yilning avgustida dizayner, shoira, qo‘shiqchi, diplomat va “O‘zbekiston malikasi” sifatida dovrug‘ qozongan Gulnora Karimova dunyoga mashhur rossiyalik kutyurelardan ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...