Catira
5 avgust 2016

Saida Rametova – o‘zbek mutassiblari g‘azab nishonida (video)

Taniqli aktrisa Saida Rametova bilan bog‘liq video vodiy restoranlaridan birida qo‘l telefonida tasvirga olingan bo‘lib, bunda u hind qo‘shiqlardan biriga dramteatr aktyori Yunus Asqarov bilan raqsga tushadi.

Biroq, har safargidek video tarmoqda yashin tezligida tarqaldi va mutassib o‘zbek tanqidchilari va ma'naviyat dohil saytlarning darg‘azab tanqidiga uchradi.

“Andishali kelinchak”da qaynona, “Nodirabegim”da Uvaysiy, “Sohibqiron”da Bibixonim kabi buyuk sharq ayollari obrazini yaratgan Saida Rametovaga yerda uzala tushib raqsga tushish yarashadimi? Buni qaysi mezonlar bilan o‘lchash mumkin?» deya yozadi o‘zini ahloq himoyachisi sanagan «Qalampir» sayti.

«Axir u artist, otin oyi emasku!», deydi rassom Adolat va mashhur o‘zbek kino va teatr yulduzining ayni holatini aks etdirib Eltuz.com nashriga yo‘llaydi.

«Saida Rametovani nima jin urdi?» maqolasi muallifi prezident Islom Karimovning «ma'naviy hayotimizni yuksaltirish yo‘lida boshqalar havas qiladigan qanday katta natijalar»ga erishilgani haqidagi gaplarini keltirib, aktrisani qilmishiga javob berishga chaqiradi.

«Mendan dushmanlarim qasd olmoqchi bo‘lishgan», deya izoh beradi ayni lavhaning tarmoqda tarqatilishiga Saida Rametovaning o‘zi. Uning bildirishicha u shaxsiy bazmda spektakldan parcha ijro etgan.

Ayni paytda uning yaqin hamkasbi, mashhur «Temir xotin» filmida o‘zi ham hindcha motivlarga raqsga tushgan akter Murod Rajabov Darakchi nashriga bergan intervyusida: «U nima qilgan bo‘lsa, shaxsiy ishidir!» deydi.

Biroq, O‘zbekistonda mashhur artistlarning shaxsiy hayoti mavjud mafkura instituti jazo nishoniga aylandi.

To‘ylarda qatnashgani uchungina iste'dodli artist Saida Rametova teatrdan haydaldi.

Toshkentda chiqadigan «Bekajon» gazetasiga o‘z hamkasbi himoyasiga izoh bildirgan Murod Rajabov ijtimoiy tarmoqlar qanchadan qancha odamlarni sharmanda qilayotgani, bunday bema'ni narsalarga qaragisi ham kelmasligini aytadi.

Saida Rametovaning o‘zi so‘nggi bir-ikki yilda bir necha bor shunday zarbalarga duch kelganini, endi esa bu yo‘lni topishganini aytadi. Biroq uning fikricha, qildan qiyiq qidirayotganlar hech narsaga erishganlari yo‘q.

«Kim nima desa desin, kim nima qilsa qilsin – men o‘zimga ishonaman!» deydi u.

Rassom Adolat
Eltuz.com

Tag‘in o‘qing
20 mart 2017
Ichki ishlar organlari davlat boshqaruv hokimiyatining eng katta organi hisoblanadi. Shunga qaramay, uning faoliyati mustaqillik e'lon qilingandan keyin qisqa ...
27 avgust 2020
“O‘zbekiston” telekanali orqali 2020 yil 26 avgust kuni uzatilgan ijtimoiy-siyosiy ko‘rsatuv ekspertlari yana bir bor yirtiq kiyim bosh kiyishni qoralab chiqishdi. So‘zga chiqqanlardan ...
7 iyun 2016
Farg‘ona shahrining Farg‘onadagi istirohat bog‘ida o‘tkazilgan Pushkin tavalludiga bag‘ishlangan tadbir Shekspirning “Romeo va Juletta” asari asosida sahnalashtirilgan tomosha bilan ...
30 yanvar 2017
Davlat raxbari iqtisodiy muammolar haqida bot-bot gapirmoqda. Hukumatdagi vazirlarni, katta amaldorlarni xalq dardini eshitmaslikda ayblab so‘kmoqda. Mamlakatga chet-el sarmoyasi ...
Bloglar
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...
11 yanvar 2024
Qirg‘iziston parlamenti kecha, ya'ni 10 yanvarda ko‘pchilik ovoz bilan deputat Emil Jamg‘irchievni jinoiy javobgarlikka tortishga ...