«It talagani yo‘q, «selektor yig‘ilishi»dan kelayapman!»

O‘zbekistonda hukumat vakillari har yilgi paxta mavsumini urush jabhasiga tenglashtirishadi.

Ko‘pincha selektor tarmog‘i orqali Bosh vazir (endilikda prezident) Shavkat Mirziyoevning shaxsan nazorati va uning hammaga tanish zo‘rovonlik uslubi ostida joylarda o‘tadigan paxta terimi jabhasiga oid yig‘ilishlarda mushtga erk beriladi.

«Bu paxta fronti. Front esa qurbonsiz bo‘lmaydi!» deya qulochkashlab do‘pposlashadi navbatdagi qurbonni hukumat vakillari majlis ahli ko‘zi o‘ngida.

Eltuz.com nashri muxlislariga o‘z hajviy suratlari bilan tanilgan rassom Adolat ayni vaziyat, paxta terimiga bag‘ishlangan selektor yig‘ilishidan qaytgan jabrdiyda o‘zbek ziyolisi obrazini chizadi.

Rassom Adolat
Eltuz.com