Jarrohlik amali paxta tugagunga qadar qoldiriladi!

Operatsiya stolida qolayotgan sho‘rlik bemorning paxta tugashini kutishdan boshqa chorasi yo‘q. Chunki tibbiyot xodimlari uchun inson sog‘lig‘idan ko‘ra, paxta terib topadigan puli afzalroq.

Har holda o‘zbek hukumati rasmiylari shunday deya hisoblaydi. Ular bu yil ham katta pul undirish ta'masida, shifokorlarning paxtaga chiqishlarini qo‘shimcha daromad manbai deya Jahon bankini ishontirishga urinishmoqda.

Ayni paytda, O‘zbekiston shifoxonalarini kezsangiz u yerda bemorlar ko‘pligiga qaramay, ularga qaraydigan shifokorlarning kamligini ko‘rasiz.

Ularning aksariyati paxtada. Ayrimlari esa o‘rniga odam yollab uyda qolishni afzal ko‘radi.

«Bu ham ularning «qo‘shimcha daromad» topish yo‘lidagi bizneslarining bir qismi bo‘lsa kerak?», deydi achchiq zaharxanda bilan navbatdagi karikaturani eltuz.com nashriga jo‘natgan rassom Tuz.

Rassom Tuz
Eltuz.com

Marhuma shoira Gulchehra Nurullaeva «Buguni bor, ertasi yo‘qlar» haqida

Shoira Gulchehra Nurullaeva bilan suhbat, 1988 yil. — Gulchehra opa, hozir qayta qurish davrida yashayapmiz. Suhbatimizni shu mavzudan boshlasak. — Men qayta qurishni o‘zim uchun yangilik deb bilmayman. Endi o‘ylasam, urush yillari qandaydir «xundori» tayyorlab, mahallamiz bolalarini tekinga davolaydigan otam, so‘nggi burdani «non»lab ortidan ergashibyurgan qiziga emas, qo‘shnining ochdan o‘layotgan bolasiga olib chiqqan onam qayta qurish odamlari ekanlar. Bir voqeani eslasam, ko‘zimga hali-hali yosh qalqadi. 1956 yil. O‘ninchini endigina bitirganman. Maktabimiz direktori Hafiz Yengalichev menga: — Seni Moskvaga, MGUga ...