Catira
27 sentyabr 2017

Prezidentga ishongan yozuvchi tuzoqqa ilindi

Prezident Mirziyoev va'dalariga ishonib vatanga qaygan dissident yozuvchi Nurilla Otaxonov (Nurullox Muhammad Raufxon)ning, 27 sentyabr kuni Toshkent aeroportida hibsga olinishi ijtimoiy tarmoqdagi o‘zbek segmentini junbushga soldi.

Siyosiy tahlilchi Alisher Ilhomov, voqeaga izoh bildirib, uni «Mirziyoevning «ezgu» niyatlari haqidagi illyuziya va o‘z soddaligining ilk qurboni» deya atadi.

«Bechora, quvg‘indagi yozuvchi Nurullo Otaxonov, yurtdoshlarini, jumladan dissidentlarni vatanga qaytishga chaqirgan prezidentning propagandistik tryuki qarmog‘iga birinchi bo‘lib ilindi», deb yozdi Alisher Ilxomov o‘zining feysbuk sahifasida.

Uning so‘zlariga ko‘ra, bu voqea «allaqachon chemodan isitmasi qamragan horijdagi o‘zbeklarni xushyor torttiruvchi signal» bo‘lishi lozim.

O‘zbek muxolifati lideri Muhammad Solih ham, prezidentning va'dalariga ishonib yo‘lga chiqqan yozuvchining harakatini «o‘z jallodiga ham rahmi keladigan o‘zbek»ning soddadil fe'liga yo‘ydi.

«Yangi rahbarning va'dalariga ishonib, yo‘lga chiqqan va jallod mirshablarning qo‘liga tushgan o‘zbekning buyuk yozuvchisi Nurulloh Muhammad Raufxon ham shu sodda millatning bir fardidir.

Uni bu jallod tuzum panjasidan qutqarib olish uchun harakat har bir vijdon va iymon sohibining vazifasidir», deya bayonot berdi u o‘z sahifasi orqali.

Ayni paytda, transport prokuraturasi talabi bilan Toshkent aeroportida 27 sentyabr kuni xibsga olingan va Yashnaobod tuman ichki ishlar bo‘limiga olib ketilgan yozuvchiga nisbatan jinoyat ishi ochilgan, advokat olish maslahati berilgan.

Uning yaqinlariga ko‘ra, jinoyat ishiga, adibning 2016 yili Turkiyada chop qilgan «Bu kunlar» kitobiga yozilgan ekspert xulosasi asos qilib olingan.

O‘sha yili Andijonlik 37 yashar masjid noibi Botirjon Tojiboev Nurilla Otaxonovni “Podshoga shak keltirgan” o‘zbek yozuvchisi deb atagan edi.

Yozuvchining bu asarida O‘zbekistondagi o‘zgacha fikrlovchilar, jumladan, dindorlar va siyosiy muxolifatga qarshi qatag‘on siyosati qoralangan.

Nurilla Otaxonov Toshkentga uchish oldidan «Eltuz» muxbiriga bergan intervyusida, ayni «Bu kunlar» kitobi mazmunidan o‘rin olgan g‘oya yangi prezident og‘zidan chiqayotganidan ruhlanib vatanga qaytishga ahd qilganini aytgan edi.

«Eltuz» nashri voqea tafsilotlarini surishtirishda davom etadi.

Rassom Tuz
Eltuz.com

Tag‘in o‘qing
5 may 2016
O‘zbekiston fuqarosi 36 yashar Muborakxon Usmonova o‘z jazmani 55 yashar Aziz Chalishqon (Aziz Çalışkan) tarafidan 27 aprel oqshomida bo‘g‘ib ...
17 oktyabr 2020
Sirdaryo viloyatining Sirdaryo tumanidagi “Do‘stlik” MFYda yashovchi 29 yoshli Farruh Karimjonov uyiga qarzdorlikni so‘ndirishni so‘rab kelgan tuman gaz idorasi xodimi 50 yoshli Qahramon Shomurodovni pichoqladi.  ...
21 sentyabr 2018
“Integral Invest” shirkati rahbari, 18 oy hibsda qolgan yirik tadbirkor 51 yoshli Jahongir Umarov kassatsiya shikoyatidan so‘ng 15 sentyabrda ...
4 mart 2019
22 fevral kuni telegra.ph internet sahifasida rus tilida «Teni kuklovodov» («Qo‘g‘irchoqbozlar soyasi») sarlavhasi ostidagi maqola paydo bo‘ldi. Bunda O‘zbekistondagi ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...