Catira
20 oktyabr 2017

Shavkat Mirziyoev do‘xtirlarga yana «qizil karta» ko‘rsatdi

18 oktyabr kungi sog‘liqni saqlash tizimiga bag‘ishlangan selektor yig‘ilishida prezident Mirziyoev tibbiyot xodimlarini tag‘in jiddiy tanqid qildi.

President.uz saytiga ko‘ra, davlat maslahatchilari, Bosh vazir va tegishli vazirlik rahbarlari ishtirokidagi yig‘ilishda Mirziyoev shifokorlarni malakasizlik va mas'uliyatsizlikda ayblagan.

“Aholiga ko‘rsatilayotgan tibbiy xizmat sifatining hududlarda yetarli darajada emasligi oldimizda turgan dolzarb muammolardan biri”, dedi prezident selektor yig‘ilishida.

Bu keyingi 10 oy ichida prezident tomonidan uchinchi bor yig‘ilish o‘tkazilib, tibbiyot xodimlarining tanqid qilinishidir.

«Eltuz» nashri ilgari yoritganidek, Shavkat Mirziyoev sog‘liqni saqlash sohasi vakillari bilan shu yilning 5 yanvarida uchrashgan edi.

O‘shanda u virtual qabulxonaga tibbiyot sohasiga oid 7 mingta shikoyat kelib tushganini aytgandi.

7 fevral kuni esa u tug‘ruqxona xodimlarini eng katta poraxo‘rlar deya atagandi.

Tibbiyot muassasalaridagi muammolarga bag‘ishlangan bu yig‘ilishda prezident sog‘liqni saqlash vazirini ham, uning o‘rinbosarlarini ham rosa «po‘stagini qoqqan» edi.

Prezidentning tibbiyot xodimlarini tanqid qilganidan ruhlangan FB yuzerlari poraxo‘r doktorlarni otib tashlash kerak degan gaplarni yozishgacha borishdi.

Rassom Tuz, bu safar prezident tomonidan har safar dakki berilayotgan shifokorlar yonini oladi.

«Nimaga prezident hamma illatlarning eng kattasini qilayotgan, siyosiy mahkumlarga solayotgan qiynoqlari, xususiy biznes kapitalini tortib olishi bilan dunyoga tanilgan MXX idorasidagilarni tanqid qilmaydi?» deydi u.

Rassom Tuz
Eltuz.com

Tag‘in o‘qing
25 aprel 2017
23 aprel kuni Stokgolm hujumchisi Raxmat Oqilovning sherigi deya gumon qilinayotgan uchinchi shaxs qo‘lga olindi. Chechen millatiga mansub 26 ...
1 mart 2023
Chumchuq so‘ysa ham qassob so‘ysin¸ o‘likni yuvg‘uchi yuvib¸ go‘rkov ko‘msin. Bu maqollarda har bir ishni o‘z mutaxassisi qilishi zarurligi ...
12 avgust 2018
Ijtimoiy tarmoqlarda avtomobillarga yoqilg‘i quyish shoxobchalaridagi kilometrlarga cho‘zilgan rekord navbatlarning tasvirlari paydo bo‘ldi. Tag‘in, avtoulovi yo‘qlarning kuni tug‘di, ular ...
12 iyul 2017
Ijtimoiy tarmoqda Shavkat Mirziyoevning «Yoshlar» telekanalini tanqid qilib «Yoshlarning hidi ham yo‘q u yerda!» degan gaplaridan keyingi yoshlarning chiqishlari ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...