Rus millatchilari Karimovga haykal o‘rnatilishiga norozilik bildirishmoqda

Rossiyaning «Rodina» partiyasi, «Vatan yo‘lbarslari» yoshlar qanoti va «Rossiya milliy-vatanparvarlari» jamoatchilik tashkiloti faollari Moskva shahri ma'muriyatining O‘zbekistonning marhum prezidenti Islom Karimovga haykal o‘rnatish qaroriga qarshi mitinglar o‘tkazgani haqida «Ozodlik» radiosi xabar berdi.

8 noyabrga kelib I.Karimovga haykal o‘rnatmaslik talabi bilan Change.org saytida e'lon qilingan va Rossiya prezidenti Vladimir Putin nomiga yozilgan petitsiyaga 6 yarim mingdan ziyod imzo to‘plandi.

«Islom Karimov O‘rta Osiyo rusofobiyasi, qonunsizlik va hokimiyatni uzurpatsiya qilish ramzi» bo‘lgani aytiladi, jumladan, petitsiyada.

2016 yili O‘zbekistonning Rossiyadagi elchixonasi I.Karimovga haykal o‘rnatish taklifi bilan Moskva hukumatiga murojaat qilgan edi.

Moskva shahri hokimi Sergey Sobyanin 2017 yilning 27 oktyabrida Rossiya poytaxtining Yakimanka tumanida Islom Karimovga haykal o‘rnatish haqida qaror chiqardi.

Rassom Tuz
Eltuz.com