Catira
17 mart 2018

Chubarev: Qrimda migrantlar Putin saylovchilari sifatida ko‘rsatilmoqda

Rossiyada 18 mart kuni Vladimir Putinning yana bir bor prezidentlikka saylanishi kutilmoqda. Federatsiya hududlaridan tashqari 2014 yili Rossiya ishg‘ol qilgan Qrimda ham saylov tashviqoti boshlab yuborilgan.

“Yarim oroldagi okkupatsion OAV allaqachon Rossiyadagi prezident “saylovi” syujetlarni tayyorlashga kirishdi, bu ishga mehnat migrantlari jalb qilinmoqda”, dedi Qrimtatar majlisi rahbari Refat Chubarev “112 Ukraina” telekanalidagi chiqishida.

Uning so‘zlariga ko‘ra, Rossiya tashviqotchilari saylovda mahalliy aholi orasidan odam yetishmasligini his qilishmoqda va bunga ishg‘ol qilingan hududga 2014 yili kelib qolgan mehnat migrantlarini jalb etishmoqda.

“Ular allaqachon bu ishga odamlarni jalb qilishmoqda, shu maqsadda Simferopol aeroportida, Tavrida harbiy yo‘l qurilishida ishlayotgan mehnat migrantlarini, aytish joiz, slavyan qiyofasida bo‘lmagan odamlarni yig‘ib kelishmoqda. Ularni go‘yo saylovda qatnashish uchun kelgan mahalliy xalq sifatida ko‘rsatishadi”, – deydi Chubarev.

Ayni paytda ijtimoiy tarmoqda ham o‘zbeklar Rossiya prezidenti foydasiga “Biz ovoz berdik, siz-chi?” deya nomlangan fleshmoblarini boshlashgan.

“Ba'zan Rossiyadagi “saylovlar”ni trollantirayotgan bunday odamlarni ko‘rish kulgili, ular bir paytlar O‘zbekistondagi “saylovlar”da o‘ynab berishgandi, endi tag‘in o‘zlarining absurd postiklari bilan lentani axlatga to‘ldirishmoqda”, deya yozadi bu haqda feysbuk sahifasida #ketmenizatsiya xeshtegi ostida jizzaxlik bloger Rafael Sattorov.

Rossiyadagi bu yilgi prezident saylovi ayni Qrim ishg‘ol qilingan sanaga to‘g‘ri kelmoqda.

Qrim yarim oroli Rossiya armiyasi nazorati ostida o‘tkazilgan referendum natijasiga ko‘ra, 2014 yilning 18 mart kuni Rossiya tarkibiga qo‘shib olingan edi. Rus rasmiylari referendum ishtirokchilari Rossiyaga qo‘shilish uchun 96,77 foiz ovoz berganini aytishadi.

Saylov arafasida Ukraina hukumati Qrimda Rossiya prezidentligiga saylov o‘tkazilishiga o‘z noroziligini bildirib, BMT bosh kotibiga yo‘llagan.

Bayonotda BMTga a'zo davlat rahbarlariga Ukrainaning Rossiya bosib olgan Qrim va Sevastopolda 18 mart kuni Rossiya prezidentligi saylovi o‘tkazilishiga qarshi ekani bildirilgan.

Rassom Kirpi
Eltuz.com

Tag‘in o‘qing
10 iyun 2020
2010 yilning 9 iyunidan 10 iyuniga o‘tar kechasi Qirg‘iziston janubida ommaviy qotilliklar boshlandi va uning qurbonlari asosan mahalliy o‘zbeklar ...
24 aprel 2020
O‘zbekistonda kechayotgan karantin va cheklovlar tufayli hammadan ko‘ra kunlik ishlab pul topadiganlar qiyin ahvolga tushib qoldi. Oila boqishga, qorin ...
1 yanvar 2020
O‘zbek hukumatining Rossiya qaramligiga intilishi fonida mamlakatda gaz taqchilligi 2019 yili ham davom etdi. Rossiyaning «Lukoyl» kompaniyasidan O‘zbekistonning 600 ...
21 noyabr 2019
28 noyabr kuni Xorazm viloyati kassatsiya sudi majburiy tarzda ruhiy shifoxonaga yotqizilgan 32 yashar bloger Nafosat Olloshukurova shikoyatini ko‘rib ...
Bloglar
18 yanvar 2021
Bor ekanda yo‘q ekan, och ekanda to‘q ekan, yaqin-yaqin zamonlarda yot bosqinchilarning yuz yildan ko‘proq ...
13 yanvar 2021
Kun.uz professionallarni ishga qabul qilar emish. Katta maosh, ikki mahal ovqat. Sihatgohning o‘zi-ya! Bunday ishxonani ...
11 yanvar 2021
Taniqli shoir Bahrom Ro‘zimuhammad 60 yoshda Bahrom aka indamaygina oltmishga kiribdi. Botinan qaralganda, unday emas. ...