Catira
13 sentyabr 2018

O‘qituvchi va tibbiyot xodimlaridan tashqari hamma paxtaga chiqadi

Andijon viloyatida ommaviy paxta yig‘im terimi hali boshlanmagan bo‘lsa-da, 10 sentyabr kuni byudjet ishchi-xizmatchilarining dastlabki guruhi 10 kunlik yotoqqa paxta dalalariga jo‘natildi.

Ammo oldingi yillardagidan farqli o‘laroq, o‘qituvchi va shifokorlarni paxtaga chiqarish haqida hozircha aytilmayapti.

Paxta terimi oldidan Vazirlar Mahkamasida o‘tkazilgan yig‘ilishda joriy yilda 18 yoshga to‘lmagan yoshlar, umumta'lim maktablari yoki boshqa ta'lim muassasalari o‘quvchilari hamda o‘qituvchilari, tibbiyot xodimlarini paxta yig‘im-terimiga jalb etilmaslik aytib o‘tilgandi.

Andijon viloyati hokimligida ishlovchi manbaning aytishicha, bu mavsumda o‘qituvchi va tibbiyot xodimlaridan tashqari barcha korxona-tashkilot ishchi-xodimlari paxta terimiga jalb etiladi.

Ayniqsa, mahalla fuqarolar yig‘inlari, Yoshlar ittifoqiga katta mas'uliyat yuklatiladi.

Hozircha maorif sohasidan bironta ham ishchi-xodim paxtaga chiqishi haqida gap-so‘z bo‘layotgani yo‘q. Ammo ko‘pchilik mavsum o‘rtalariga kelib, baribir “ixtiyoriy tashabbus” niqobi ostida paxtaga olib chiqilishlari mumkinligidan xavotirga tushmoqda.

Xamma paxtaga!

MFY raislari va kotiblari, mutaxassis va mahalla otinoyilari mahallalarda uyma-uy yurib, paxtaga yaxshi haq to‘lanishini aytib, fuqarolarni paxta terimiga chiqishga chaqirmoqda.

Ommaviy axborot vositalarida paxta terimi ixtiyoriy ekanligi, majburiy mehnat alomatlari kuzatilsa, ishonch telefonlariga telefon qilish mumkinligi aytilyapti. Ammo korxona-tashkilotlarda ishchi-xodimlardan borish-bormasligi so‘rab o‘tirilayotgani yo‘q. Navbati bilan paxtaga boradiganlar ro‘yxati tuzib bo‘lingan.

Paxtaga ommaviy safarbarlik 15 sentyabrdan boshlanishi aytilyapti. Savdogarlar, tadbirkorlar, bozorlarda savdo-sotiq qiluvchi dehqonu baqqollar ma'muriyat tomonidan paxta yig‘im-terimiga hissa qo‘shishlari kerakligi aytilib, tayyorgarlik ko‘rish haqida ogohlantirilyapti.

Terimchilarga to‘lanadigan haqlarning oshirilganiga qaramay, na mahalliy hukumat, na boshqalarning bu yilgi mavsumda paxta terimiga ko‘ngilli ravishda chiquvchilarni topishga ishonchi bo‘lmayapti.

Eltuz.com

Tag‘in o‘qing
4 aprel 2018
3 aprel kuni O‘zbekiston Adliya vazirligi «Mening yurtim» telekanalini xalqaro va mahalliy qonunchilik me'yorlarini buzganligi haqida rasmiy ogohlantirdi. Telekanalga ...
28 aprel 2020
Kuz oyining quyoshli kunlaridan birida “barachniy” Hasanboy yonimga keldi va gapni cho‘zib o‘tirmay, “ketdik”, dedi. “Qaerga?” – so‘radim undan. – Hozir choyxonaga ...
29 yanvar 2020
Bosh vazir Abdulla Aripov 28 yanvar kuni koronavirus xatari bo‘yicha yig‘ilish o‘tkazdi. Har bir idora va tashkilotlar, shu jumladan, ...
19 iyun 2018
Rossiya Federatsiyasi Markaziy banki 2018 yil 1 choragi bo‘yicha xususiy shaxslarning Rossiyadan boshqa mamlakatlarga jo‘natmalari statistikasini e'lon qildi. MDH ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...