Qozoq vazir haykalning emchagini kesmoqchi

Bundan 11 yil oldin Ostonada o‘rnatilgan va Qozog‘istonlik talantli haykaltarosh To‘lepboy Erbo‘latning “Sevishganlar” nomli taxsinga loyiq asari muhofazakor fuqarolar e'tiroziga sabab bo‘lgan edi.

Hatto Ostonaning Sho‘ltoev degan yashovchisi haykalga kuylak kiydirib boshiga ro‘mol o‘rab qo‘ydi.

Bu e'tirozlar ortidan Qozog‘iston badiiy akademiyasi haykalni o‘rganib “Estetika va tasviriy san'atning mukammal namunasi” deya xulosa berdi.

Shunga qaramasdan Qozog‘iston madaniyat va sport vaaziri Arstanbek Muxamediuli yupun kiyingan ayol haykalining ortiqcha bo‘rtgan joylarini egovlab, randalash rejalanganini bildirdi.

FB blogeri Aygul Utepova johillar talabiga bo‘ysunish oqibatlari haqida yozadi: «Qozog‘iston asta sekin fashizm sari og‘moqda. Nurotan partiyasi a'zolari haykalni – san'atkor ijodini ‘randalamoqchi’. Ehtimol, hatto haykaltaroshning o‘zi ham bunga qarshi bo‘lmas».

Xozir AQShda yashayotgan toshkentlik rassom Sergey Ignatev bu xolatni salbiy qabul qildi:

«Ruhan hasta mulozim insoniyat nima xoxlashini yaxshi bilarmish. Agar uning didiga biron narsa yoqmasa hamma narsani vayron qilishga tayyor turibdi.

Ro‘mol kabi arzimas narsadan boshlanadi va pirovardida tarixiy yodgorliklarni portillatib vayron qilish bilan tugaydi. Eng muximi bu ovsar mulozimning nimani to‘g‘ri va nimani noto‘g‘ri deb bilishida», deb ta'kidlaydi rassom.

Rassom Tuz
Eltuz.com