Vaqt mashinasi
25 fevral 2024

Muxolifatchi professor Botir Norboev xotirasi

Bugun o‘zbekistonlik professor olim va muxolifat arbobi Botir Norboev vafot etgan kun. U 2019 yilning 24 fevral kuni 72 yoshida vafot etgan, Toshkentning «Oqtepa» qabristonida dafn qilingan edi.

Shu kuni qarindoshlari, yaqinlari, safdosh do‘stlari uni so‘nggi manzilga kuzatishar ekan, ijtimoiy tarmoqda o‘z xotiralarini yozishdi.

«U fan doktori bo‘lsa-da, karimizmning uzun qo‘llari ishdan haydadi. Bir necha o‘g‘li va xotini bilan ishsiz qoldi. Ammo u milliy fikridan qaytmadi. Qozog‘iston va Turkiya universitetlarida professor bo‘lib ishladi», deya feysbukdagi sahifada yozildi.

To‘ra Mirzo bir guruh hamfikr do‘stlari – Mamadali Mahmud, Baxtiyor Isabek bilan marhumning qabri boshida turishdi.

1990-yillarda Norboev Qozog‘istonga ketishga majbur bo‘ldi. Dastlab Chimkent shahridagi Janubiy Qozog‘iston universitetida talabalarga dars berdi. Keyinchalik «Turkiston tongi» gazetasida va Qozog‘iston xalqlari birligi jamiyatida faoliyat ko‘rsatdi.

Umrining so‘nggi yillarida Turkiyaga ketgan olim Norboev Kastomonu universitetida «Turkiston adabiyoti»dan dars berdi.

«Turkiylar uchun o‘rta til masalasini ko‘tarardilar», deya xotirlaydi Botir Norboevni taniqli jurnalist Karim Bahriev feysbukdagi sahifasi orqali.

Asli xivalik bo‘lgan filologiya fanlari doktori Botir Norboev milliy mustaqillik uchun suronli kurash yillarida Toshkentda o‘z shogirdlari bilan birga «Birlik» xalq harakatining oldingi saflarida bo‘ldi.

Eltuz.com

Tag‘in o‘qing
2 oktyabr 2020
Juma kelsa, xuddi uzoq ko‘rmagan do‘stu yorlarim guras-guras bo‘lib, meni quchoqlab ko‘rishganday his-tuyg‘uni boshdan kechiraman.  Jahonning shodligi yig‘ilsa butun,  ...
12 noyabr 2015
Pahlavon Sodiq Bi bi si 1999 yil kuzida Oliy Sudda Toshkent portlashlari yuzasidan sud majlislaridan biriga Murod Jo‘raevni qo‘llarida ...
8 aprel 2019
So‘nggi kunlarda o‘zbek jurnalistikasi hayotida ikkita diqqatga sazovor voqea yuz berdi. O‘zTV jurnalisti Mavjuda Mirzaeva bu muassasa haqida tanqidiy ...
6 oktyabr 2016
6 oktyabr kuni ertalab militsiya xodimlari tomonidan ushlangan fotograf Temur Karpov bilan birga Toshkent viloyatining Bo‘ka tumani paxta dalasida, ...
Bloglar
21 aprel 2024
Kartinani kecha uyimga olib keldim. Bir kecha termilib yotmoqchi edim. Lekin imkon bo‘lmadi. Doimgidek hayot ...
6 aprel 2024
Bugungi kunda rus propagandasi faqat rus telekanallari orqali berilyapti degan odam qattiq yanglishadi, chunki propaganda ...
28 mart 2024
Rossiya gumondorlarini qiynagani IShID versiyasini yo‘qqa chiqarmaydi.  Bu yerda bir eski siyqa tryuk ishlatiladi. Spetsslujbada bu ...