O‘zbekistonni boshqargan Ra'no Abdullaeva olamdan o‘tdi

O‘zbek siyosiy boshqaruvining yorqin yulduzi Ra'no Abdullaeva 90 yoshida o‘ldi.

Ra'no Habibovna Abdullaeva o‘z ish faoliyatini oddiy o‘qituvchilikdan boshlagan va o‘qib o‘rganib O‘zbekistonning yuqori darajadagi siyosiy rahbari darjasiga yetgan arbob edi.

Ra'no opa nafaqat qalban balki tashqi ko‘rinishi ham go‘zal¸ sohibjamol va suluv xotin edi.

Suluvlarning yovi ko‘p bo‘ladi. Rashidov o‘limidan keyin Ra'no opa Moskva tergovchilari tarafidan  «Rashidovning o‘ynashi edi» deya rasman ayblandi.

Gdlyan va Ivanovning «o‘zbek ishi» repressiyasi ortidan Ra'no Abdullaeva Kreml zindoni mahbusasiga aylandi.

Qamoqdan chiqqan Abdullaeva kurashib o‘zini sud orqali oqlab oldi.

Abdullaeva diniy radikalizmning O‘zbekiston uchun halokatli ekanini hammadan oldin anglab yetgan teran siyosiy ong egasi bo‘lgan.

Bir tarafii Shofirkon¸ bir tarafi Xorazmlik Ra'no Abdullaevani shoir Omon Matjon «Zamon guldirsini» deb atagan edi.

Guldirsin bu o‘z nafasi bilan tog‘larni ontaradigan mifologik personaj.

Bugun siyosat sahnasi Ra'no opa kabi guldirsinlarga muhtoj.

Eltuz jamoasi Ra'no Abdullaeva o‘limi yuzasidan uning oila a'zolari va yaqinlariga o‘z ta'ziyasini bildiradi.