To‘yda o‘pishgan kelin-kuyov tarmoq muhokamasida

Ijtimoiy tarmoqda o‘zbek to‘yidagi kuyovning kelindan bo‘sa olish an'anasi yuzerlar nafratiga duch keldi.

22 fevral kuni Feysbuk tarmog‘iga qo‘yilgan shunday videolardan birini 49 ming odam tomosha qilgan, 1123 yuzer ko‘chirib bosgan, 500 tacha izoh qoldirilgan.

Qaysidir viloyatda bo‘lgan ushbu to‘y sahnasi feysbuk yuzerlarining haqoratlari ostida qoldi.

«La'nat bo‘lsin», «Isqirtlar», «Avatarlar», «Dayuslar», «Xaromilar», «Sharmandalar» «Tentaklar», kabi so‘zlar izohlarning o‘zagini tashkil etdi.

Ahloq yuzasidan, bu izohlarni so‘zma so‘z keltirmaslikni lozim topdik va 1964 yili suratga olgan «yor-yor» filmida kelin kuyov o‘pishganini aks ettirgan taniqli kinorejissyor Ali Hamroevni suhbatga tortdik.

«Odamlar toqatsiz bo‘lib qolishgan…», deydi keksa kinorejissyor.

Ali Hamroev o‘zbek millati umumiyatla madaniyatli millat ekanini, biroq bugungi yoshlar o‘zgacha madaniyatlarga toqatsizlikni ko‘proq Internetdan olayotganini aytadi…

«Allaqachon yoshlarni ota onalari emas, Internet tarbiyalamoqda. Ular kino yulduzlari, boylar qanday yashayotganini, qanday kiyinishayotganini ko‘rishadi. Ularda eskicha odatlarga nafrat paydo bo‘ladi. Unisi emas, bunisi yaxshidek tuyuladi. Yangi davr insonlarning tasavvurlarini qattiq sindiradi».

Taniqli rejisser shuningdek eskicha to‘ylardagi samimiy an'analar unga ko‘proq yoqishini aytadi.

Uning fikricha, yoshlar o‘z miyasiga singdirilgan, yo‘q yerdagi dabdabali hayotga taqliddan ko‘ra, o‘z tanmahramiga kerakli uy jihozi yoki hech bo‘lmasa samimiy bir bo‘sa hadya etishi haqida ham o‘ylashi lozim.

Video: https://youtu.be/9gPSsHmvFWM

Eltuz.com