Toshkent rasmiylari Tatu festivalini to‘xtatishdi (video)

24 aprel kuni Toshkent shahar hokimi topshirig‘iga ko‘ra tuzilgan komissiya poytaxtdagi «Like Bar» yoshlar hordiq chiqarish klubiga bordi.

«Like Bar» poytaxtdagi alternativ diddagi o‘zbek yoshlari maskanidir. U yerda 7 may kuni 4-chi Xalqaro Tatu festivali o‘tishi kerak edi.

Biroq, klubning feysbukdagi sahifasida tadbir tashkilotchilarining festival bo‘lmasligi va buning uchun muhlislardan uzr so‘ragani aks etgan izoh paydo bo‘ldi.

Sahifa moderatori bilan bog‘langan Eltuz muxbiriga ayon bo‘lishicha, 24 aprel kuni prokuror, militsiya, doktor, oqsoqol va hoji akalardan iborat komissiya klub mutasaddilari bilan suhbat o‘tkazgan.

Ular muayyan yoshlar an'anasiga aylanib ulgurgan festivalni o‘zbek milliy mafkurasiga zid deya topishgan.

Ularning fikricha “Like Bar” klubi intereri va bezaklari o‘zbek yoshlarining ongini buzadi.

So‘nggi bor «Like Bar» klubi Tatu festivaliga 2016 yilning 16 aprelida tashkilotchilik qilgan.

«Undan ilgarigi festivallarga boshqa klublar homiylik qilgan», dedi Eltuz muxbiriga «Like Bar» klubi vakili.

O‘z navbatida klub egalari festivalni to‘xtatishga qaror berishgan.

video: https://youtu.be/CHjdmweVhZI

Eltuz.com