Asosiy mavzular
19 fevral 2019

“Biz qo‘ylar podasi emasmiz!”

Bu gap poytaxtning Mirzo Ulug‘bek tumanidagi rus tilli aholining Toshkent hokimi Jahongir Ortiqxo‘jaev bilan 18 fevral kungi uchrashuvi paytida aytildi.

600 kishi qatnashgan majlis ishtirokchilari shahar markazidagi qadimiy g‘ishtin uylar buzilib, o‘rniga Mirzo Ulugbek City qurilishi rejasini qattiq tanqid qilishdi.

Mirzo Ulug‘bek tumanida yashovchilardan biri bo‘lgan keksa ayol «Toshkentning tarixiy qiyofasini qandaydir takasaltang tujjorlaru bir soatlik xalifalar pul sug‘urish maqsadida buzmasin!» deya hayqirdi.

«Bizning dardimiz umumiy — biz o‘z Toshkentimiz tarixi saqlanishini xohlaymiz… Biz Ts-2da yashaymiz va biz tumanimizni saqlab qolishni istaymiz. Biz uchun bizning konservatoriyamiz, 50-maktab, o‘ta sifatli qurilgan uylar qadrli. Biz ahmoq emasmiz. Bizni tinglashingizni istaymiz», — deya xitob qildi ayol.

Yig‘ilishda toshkentliklar orasida “Akfaboy Joxa” deya nom chiqargan va yaqinda u haqda e'lon qilingan maqolaga ishonilsa, o‘rta ma'lumoti ham bo‘lmagan Toshkent hokimi, senator Jahongir Ortiqxo‘jaev so‘z oldi.

“Mirzo Ulugbek Business City rejasiga kirgan hududda joylashgan uy egalarining roziligisiz hech kim binolarni buzmaydi”, dedi hokim.

Ayni paytda shahar rahbari bu hududning buzilish istiqbolini ham yashirmadi.

«Agar buziladigan bo‘lsa, u holda biz sizning tumaningizga katta majmuani joylashtirish niyatidamiz, u yerda hokimlik va sarmoyadorlarning vakillari ofisi ishlaydi. Siz ular bilan individual tartibda uchrashishingiz va tushuncha olishingiz mumkin. Siz nimani istaysiz, derazangiz qay tomonga qarasin, qaysi qavatdan bo‘lsin, qancha farzandingiz bor, qanday yashashni istaysiz, hovlingizda hovuz bo‘lishini istaysizmi? Har bir odam bilan alohida, uning manfaatlaridan kelib chiqib kelishiladi. Ular ish rejasi tuzishadi. Agar siz rozi bo‘lsangiz, albatta. Shunchaki hech kim buzmaydi ilgarigidek», —deya go‘zal va'da berdi Jahongir Ortiqxo‘jaev.

Yig‘ilish so‘nggida qatnashchilar hokimning “Uylaringizga sizning ruxsatingizsiz hech kim tegmaydi», degan so‘zlarini chapaklar bilan qarshiladi.

Video: https://youtu.be/U9sx3xaixdI

Eltuz.com

Tag‘in o‘qing
6 aprel 2016
O‘zbekistondagi partiyalarning nashrlarini ko‘zdan kechirib, ularning parlamentdagi deputatlariga o‘z saylovchilari bilan ogohlik, hushyorlik, «yot g‘oyalarga qarshi kurash» mavzularida uchrashuvlar ...
5 avgust 2019
Haydovchilarni qayta tayyorlash va bu haqda sertifikat berish tizimini to‘laligicha monopoliya qilib olgan “Avtotest Report” MChJning kutilmaganda “o‘yindan chiqishi”ni ...
29 aprel 2017
O‘zining ikki sahifasini to‘liq tez yordam xizmati faoliyatiga bag‘ishlagan “Oila va jamiyat” gazetasi (26.04) tibbiyot tizimidagi jiddiy bir muammoni ...
22 dekabr 2016
Rasman tasdiqlanmagan ma'lumotga ko‘ra, 2005 yilda Andijon qirg‘inini uyushtirgan Zokir Almatov prezident maslahatchisi sifatida ishga qaytarilgan. Ba'zi manbadarda 67-yoshli ...
Bloglar
3 yanvar 2023
Ulug‘ o‘zbek shoiri va muholifat lideri Muhammad Solih bilan suhbatning 20-qismida jurnalistning «Adabiyot nima?» degan ...
25 dekabr 2022
Ulug‘ o‘zbek shoiri va muholifat lideri Muhammad Solih bilan suhbatning 18-qismidan 90-yillarda taniqli adabiyotshunos Ibrohim ...
20 dekabr 2022
Ulug‘ o‘zbek shoiri va muholifat lideri Muhammad Solih suhbatning 17-qismi muxolifat va hokimiyatning kelajagi haqida ...