Mirziyoev o‘zbek siyosati Gulliveriga aylandi (video)

Prezident Shavkat Mirziyoevning viloyatlarga xizmat safarlari o‘zbek telekanallari orqali buyuk voqea kabi talqin qilinmoqda.

Ayniqsa 2-iyun kuni Mirziyoevning Andijonga safari aks etgan MTRKning «Davr» va «Axborot» lavhalarida Shavkat Mirziyoev shaxsi oshiqcha ko‘klarga ko‘tarildi.

«Muhtaram prezidentimiz!» kalimasi studiya suhandoni, reportajni taqdim etayotgan muxbir va intervyu beruvchilar tomonidanmuttasil takrorlandi.

Jumladan, ayrim andijonliklar prezidentning «shaharga tashrif buyurishining o‘zi» ular uchun katta baxt ekanini bildirishdi.

Xalqning o‘zgarishlardan haddan ziyod baxtiyorligini ko‘rib, Mirziyoev quloqlariga ishonmay, xalqdan  «Bu o‘zgarishlar rostmi yo yolg‘onmi?» deya so‘raydi.

«Rost! Rost!», degan xitoblar yog‘day yoqqan Shavkat Mirziyoev:

«Mana shu gaplaring menga juda kuch bag‘ishlayabdi. Jamiyatimiz qachon o‘zgaradi, agar biz kattakonlar pastga tushib xalqqa xizmat qilsa» deydi.

Ayni manzaradan ilhomlangan rassom Tuz Mirziyoevni mayda odamlar davrasidagi kattakon dev shaklida aks ettirdi.

Rassom Tuz
Eltuz.com