Kundalik
21 sentyabr 2016

Surat Ikromov: «Qonunsiz yurt qaroqchilar mamlakatiga aylanadi»

O‘zbekiston Ichki ishlar organlari haqida qonun qabul qilinishi ortidan, Ichki ishlar vazirligi tizimida kadrlar almanishi kuzatilmoqda.

Biroq, ekspertlar fikricha bu qabul qilingan qonunni mustahkamlash uchun emas, balki alashinayotgan hokimiyatni mustahkamlash uchun qilinayotgan amallarning davomidir.

20 sentyabr kuni, chinozlik Inobat Mirzaevaning uyiga avtomatlar bilan qurollangan 14 nafar militsiya xodimlarining bostirib kirgani, uy egasi nabiralarining ko‘zi oldida hushidan ketgani haqida O‘zbekiston Mustaqil Huquq himoyachilari Tashabbus guruhi (O‘MHHTG) raxbari Surat Ikromov xabar tarqatdi.

Axborotda ayni voqea, Ichki ishlar organlari haqidagi qonun imzolanganidan keyin yuz bergani alohida ta'kidlanadi.

«Ahvol o‘zgarmagan, eski hammom eski tos», – deydi huquq faoli Surat Ikromov. – Garchi qonun faqat imzolangan va olti oydan keyin kuchga kirishi kutilsada, unga amal qilish militsiya xodimlariga allaqachon tushuntirilishi kerak edi».

Huquq faolining fikricha bu qonun mamlakat va jamiyat hayotida muhim ahamiyatga egadir.

Biroq, O‘zbekistondagi uzoq yillik tajribasidan kelib chiqib u, birdan eyforiyaga ham berilmaydi.

Qonun kuchga kirganidan keyin ham uning amalda ishlashi uchun ikki-uch yil hukumat raxbarlari, jamoatchilik vakillari birgalikda ancha ter to‘kishlari lozim bo‘ladi.

«O‘zbekistonda Ichki ishlar organlari to‘g‘risidagi qonun allaqachon, 25 yil burun qabul qilinishi kerak edi. Bunday qonunsiz mamlakat, o‘rta asrlardagi, qaroqchilar va yovvoyilar mamlakatiga aylanadi», deydi u Eltuz.com nashriga bergan intervyusida.

eltuz.com

Tag‘in o‘qing
19 iyun 2019
O‘zbekistonda mahalla raisi tili bilan mamlakat poytaxti Toshkentda fuqarolarni ro‘yxatga olish tizimini yanada kuchaytirish, xususan, mahalladan ma'lumotnoma olish amaliyotini ...
27 may 2016
Joriy haftada Asakadagi mashina zavodida yana 50 kishi so‘roqqa tortilib¸ shaharni tark etmaslik borasida imzo chektirildi. Bundan oldin o‘nlab ...
13 may 2019
Boya saytda firibgarlik aybi bilan qo‘lga olingan mansabdor haqida bir maqola paydo bo‘ldi. Keyin kirib qarasam, maqola o‘chirtirilgan. Va ...
21 aprel 2021
2021 yilning 19 mart kuni Qashqadaryo viloyatining Nishon tumanidagi Yangihayot massivida namunali uylarning tomini shamol uchirib ketgan. Uylar qurilishi ...
Bloglar
26 noyabr 2022
Nukusdagi voqealarni o‘rganish bo‘yicha parlament komissiyasi taklifi va Qoraqalpog‘iston Jo‘qorg‘i Kengesi iltimosnomasiga ko‘ra, namoyishlarda qatnashib ...
3 noyabr 2022
1906 yilning 3 noyabrida Germaniyaning Berlin shahrida o‘tgan Xalqaro radiotelegrafiya anjumanida SOS signali halokatni bildiruvchi ...
1 noyabr 2022
Ulug‘ o‘zbek shoiri va muholifat lideri Muhammad Solih bilan suhbatning 11-qismi Turk birligi g‘oyasi va ...