Мирзиёев ўзбек сиёсати Гулливерига айланди (видео)

Президент Шавкат Мирзиёевнинг вилоятларга хизмат сафарлари ўзбек телеканаллари орқали буюк воқеа каби талқин қилинмоқда.

Айниқса 2-июнь куни Мирзиёевнинг Андижонга сафари акс этган МТРКнинг «Давр» ва «Ахборот» лавҳаларида Шавкат Мирзиёев шахси ошиқча кўкларга кўтарилди.

«Муҳтарам президентимиз!» калимаси студия суҳандони, репортажни тақдим этаётган мухбир ва интервью берувчилар томониданмуттасил такрорланди.

Жумладан, айрим андижонликлар президентнинг «шаҳарга ташриф буюришининг ўзи» улар учун катта бахт эканини билдиришди.

Халқнинг ўзгаришлардан ҳаддан зиёд бахтиёрлигини кўриб, Мирзиёев қулоқларига ишонмай, халқдан  «Бу ўзгаришлар ростми ё ёлғонми?» дея сўрайди.

«Рост! Рост!», деган хитоблар ёғдай ёққан Шавкат Мирзиёев:

«Мана шу гапларинг менга жуда куч бағишлаябди. Жамиятимиз қачон ўзгаради, агар биз каттаконлар пастга тушиб халққа хизмат қилса» дейди.

Айни манзарадан илҳомланган рассом Туз Мирзиёевни майда одамлар даврасидаги каттакон дев шаклида акс эттирди.

Рассом Туз
Eltuz.com