Asosiy mavzular
7 noyabr 2017

Andijon viloyati maktablari kichik sinf o‘quvchilari paxta terimiga chiqmoqda

2017 yilning 3 noyabrida huquq himoyachisi Yelena Urlaeva Andijon viloyatining Baliqchi tumani paxta dalalarida bo‘lib, o‘qituvchilarining nazorati ostida paxta terayotgan 11-12 yoshli bolalarni ko‘rdi.

Bolalar Baliqchi tumanidagi 1-maktabning 5-sinf o‘quvchilari bo‘lib chiqdi, ular har kuni maktabga 2-3 kilogrammdan paxta olib kelishlari kerak.

Shuningdek, Yelena Urlaeva Ulug‘nor tumanidagi 13-maktab o‘quvchilarini uchratdi, ular ham dalada paxta terayotgan edi. Huquq himoyachisi ayrim bolalar paxta dalasiga chuqur zovur ustidagi xatarli qo‘lbola ko‘prikdan o‘tayotganini ko‘rdi.

Shu kuni soat 11 da Urlaeva 13-maktab o‘qituvchilarining yelkalariga paxta terish uchun yetaklarini tashlab olgan kichik sinf o‘quvchilarini paxta dalasiga olib kelayotganini kuzatdi.

Bolalar va o‘qituvchilar paxta dalasiga yaqinlashgach, Urlaeva bolalarga paxta terish taqiqlanganini aytib, qichqira boshladi. Shundan so‘ng ular shoshilib dalani tark eta boshladi.

Xalqaro mehnat tashkiloti so‘nggi yillarda O‘zbekistonda bolalar mehnatiga yo‘l qo‘yilmayotganini ta'kidlamoqda. O‘zbek faollari esa bunday bayonotga hali ertaligini aytib, uni noto‘g‘ri, deb hisoblamoqda.

2017 yilgi kuzgi dala ishlarida bolalar va majburiy mehnat bo‘yicha mustaqil monitoring natijalari mahalliy hukumatning ilgarigidek chopiq va paxta terimida o‘quvchilardan foydalanishini ko‘rsatmoqda. Hozirga qadar O‘zbekistondagi paxta sektorida bolalar mehnatidan foydalanilishiga qarshi biror sezilarli jamoatchilik qarshiligi qayd etilgani yo‘q.

Eltuz.com

Tag‘in o‘qing
12 noyabr 2021
Aziz va qadrdon, sevgili va sevimli, bir-biridan ardoqli tomoshabinlarim. Siz bilan noyabr oyida ikkinchi marta hamsuhbat bo‘lish baxtiga noil ...
15 sentyabr 2016
8 sentyabr kuni O‘zbekiston senatorlari bir ovozdan qabul qilgan qaror, odamlarning gapida jon borligini ko‘rsatdi. Asosiy qonun, O‘zbekiston Konstitutsiyasining ...
19 noyabr 2015
Ijtimoiy tarmoqlar 17 noyabrga o‘tar kechasi Karimov «yurak o‘ynog‘idan o‘ldi» deb habar tarqatgani ortidan O‘zbekiston prezidenti Pokiston Islom Respublikasi ...
23 oktyabr 2023
22 oktyabr kuni Uzbek forum rahbari Umida Niyozovaning onasi Sojida Jalolova 78 yoshida  olamdan o‘tdi. Marhuma Sojida Jamolova Sharqiy ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...