Document UZ
5 aprel 2018

Samarqandlik haydovchilar ikki martadan jarima to‘lashga majbur bo‘lishmoqda

Haydovchilik kamarini taqmaganlik uchun jarima to‘lab bo‘lgan haydovchilardan olti oy o‘tib qaytadan jarima to‘lashlari talab qilinmoqda. Bu haqda «Eltuz» muxbiriga samarqandlik bir nechta haydovchi ma'lum qildi.

Ikki marta jarima to‘langani haqidagi «Eltuz»ga kelib tushgan ma'lumotnoma nusxasi

Majburiy ijro byurosi mas'ul xodimining bildirishicha, byuro shahar ichki ishlar idorasi tomonidan berilgan hujjatlarga asosan ijro harakatlarini olib bormoqda va bu kabi har qanday anglashmovchilik bo‘yicha Samarqand shahri YHXB mas'uldir.

To‘lov kvitantsiyalarini yo‘qotgan haydovchilar qaytadan 29 950,00 so‘m to‘lashga majbur bo‘lishmoqda. Kvitantsiyani saqlab qolganlar esa avval shahar YHXBga xizmat ko‘rsatuvchi bankdan, keyin shahar IIB YHXBning o‘zidan ma'lumotnomalar olib, MIBga takdim etishlari shart.

Samarqand shahri YHXBga xizmat ko‘rsatuvchi «Orient finans bank» Samarqand filiali to‘lovlarni tasdiqlash bo‘yicha mas'ulining «Eltuz» muxbiriga ma'lum qilishicha, oxirgi paytlarda oldin to‘langan jarimalar bo‘yicha ma'lumotnoma olish uchun har kuni bir necha haydovchi murojaat etmoqda.

Yuzaga kelgan holatni Samarqand shahri YHXB mas'ul xodimi ham tasdiqladi, lekin holat sabablari bo‘yicha asosli tushuntirish olishning imkoni bo‘lmadi.

Qonun bo‘yicha 60 kundan so‘ng davlat ijrochisiga berilishi belgilangan ijro hujjatlari nima uchun 180 kundan keyin berilganligi ham noma'lum.

O‘zbekistonda haydovchilarning ikkinchi marta qaytadan jarima to‘lashga majbur bo‘layotganligi holati oldin kuzatilmagan edi.

«Eltuz» nashri samarqandlik haydovchilarning ikki martadan jarima to‘lashga majbur bo‘layotganligi bo‘yicha IIVning rasmiy munosabatini kutib qoladi.

Umid Erkin
Eltuz.com

Tag‘in o‘qing
8 oktyabr 2018
O‘zbekiston prezidentining matbuot kotibi va uning ma'muriyati rahbari o‘rinbosari Komil Allamjonovning kutilmaganda lavozimidan ozod qilinishi ortidan bu shaxs to‘g‘risida ...
10 aprel 2015
Ular o‘qituvchilar, mediklar, madaniyat arboblari, artistlar. Menimcha O‘zbekistonda paxtakorlikdan fermerlarning ham hech bir manfaati yo‘q.  Bu qaramlikni his qilish ...
28 dekabr 2019
Kelayotgan yilning fevral oyida O‘zbekiston prezidenti Shavkat Mirziyoevning Rossiyaga kutilayotgan tashrifi chog‘ida mamlakat uchun hayotiy masalalar muhokama qilinadi.  Bu ...
18 mart 2021
Bahor keldi. Sirdaryodagi o‘riklar oppoq bo‘lib gulladi. Giyohlar tabiatning so‘z erkinligi kabi ko‘kka o‘rladi. Bahordagi qayta tirilish tabiatga xos ...
Bloglar
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...
11 yanvar 2024
Qirg‘iziston parlamenti kecha, ya'ni 10 yanvarda ko‘pchilik ovoz bilan deputat Emil Jamg‘irchievni jinoiy javobgarlikka tortishga ...