Asosiy mavzular
23 mart 2018

Navro‘zga Stokholmda qozoq jamoasi mezbonlik qildi

Shvetsiyaning poytaxti Stokgolmda 21 mart kuni qozoq, turk, eron, o‘zbek, uyg‘ur diasporasi vakillari Navro‘z bayramini nishonlashdi.

Navro‘z tadbiriga mezbonlik qilgan Stokgolmdagi «Abay» qozoq madaniy markazi raxbari Gulmira Asilbekova 2018 yilning elbasi tomonidan O‘zbekiston yili deya atalishi bejiz emasligini aytadi.

«Chunki O‘zbekiston bizning qadosh, yon qo‘shnimiz» dedi Asilbekova «Eltuz» muxbiri bilan suhbatda

Navro‘zni Qozog‘istonlik raqqosa Ulbola Ermuxammedova nafaqat qozoq, uyg‘ur, balki o‘zbek raqslari bilan ham qizdirdi.

Bayramga kelgan mehmonlar alohida zalda bo‘g‘irsoq, qimiz, talqon kabi qozoq taomlaridan ham tatib ko‘rishdi. Ularning ayrimlarini, tayyorlash usuli zalda namoyish qilib ko‘rsatildi.

Kontsertni yaqinda Frantsiyada kontsert berib qaytgan taniqli eronlik xonanda Rustam Mir Loshariy guruhi davom ettirdi.

Navro‘z tadbirida qatnashish uchun Shvetsiyaga kelgan Qozog‘iston opera va balet teatri artisti Erlan Jandarbay ham bu yilning mamlakatda O‘zbekistonga bag‘ishlanishini tug‘ishganlik, qardoshlik belgisi deb bilishini aytadi.

«Elboshining bu yilning O‘zbekistonga bag‘ishlash qarori zamirida turkiy tillik xalqlarni birlashtirish g‘oyasi yotadi», deydi Erlan Jandarbay.

Tadbir kontserti belgilangan kichikroq ofis zali mehmonlar bilan gavjum bo‘ldi.

Tadbir tashkilotchilari «Eltuz» muxbiri bilan suhbatda avvaliga kattaroq zalni mo‘ljallashgani, biroq Shvetsiyada bayramning ish kuniga to‘g‘ri kelgani bois ko‘pchilik qatnasha olmasligidan kelib chiqib, kichikroq zallarni olishganini aytishdi.

Tadbirga kelgan Shvetsiyadagi turkman diasporasi vakili, taniqli yozuvchi Oq Muhammad Velsapar «Eltuz» muxbiriga Turmanistonda ham Navro‘z qadimdan nishonlanib kelingani va saqlangan ayrim an'analar haqida so‘zlab berdi…

Uning so‘zlariga ko‘ra, uning yoshligida kattalar uchun alohida kattaroq, kichik bolalar uchun kichikroq gulxanlar yoqishgan, odamlar olov ustidan sakrab o‘z kuchini namoyish etishgan.

Shvetsiyadagi o‘zbek diasporasi vakili Go‘zal Sherikboeva qozoqlarning faolligiga havas qilganini yashirmadi, shunday tadbirlar millatni, xalqni birlashtirishga xizmat qiladi, dedi u «Eltuz» muxbiriga.

Turkman va o‘zbek diasporasidan farqli, Shvetsiyadagi qozoq jamoasi Gulmira Asilbekova so‘zlariga ko‘ra Qozog‘iston hukumati tomonidan ham rag‘batlantirib kelinadi. Bayram so‘nggida «Abay» markazi vakillari tadbir ishtirokchilariga esdalik sovg‘alari ulashdi.

Eltuz.com

Tag‘in o‘qing
15 oktyabr 2019
Eltuz nashri «Yozarning sasi» ruknida o‘zbekistonlik taniqli shoira Gulchehra Nurullaeva fikrlarini e'tiboringizga taqdim etadi: «Gorbachyovning oshkoralik siyosati barchamizning ko‘zimizni ...
14 iyul 2016
Bugun rassom Elsevar Eltuz.som nashri orqali O‘zbekistonda kashpirovskiy zamonlaridan beri davom etib kelayotgan ritual, odamlarni televizor orqali uxlatish an'anasi ...
27 dekabr 2020
23 dekabr kuni Namangan viloyatining Norin tumani IIB tergov bo‘linmasi tomonidan norinlik ikki yigitga nisbatan “odam o‘limiga sabab bo‘lgan xavf ostida qoldirish” ...
21 iyun 2017
Prezident Mirzieev tashabbuslari bilan o‘zbekistonliklarni hursand qilishda davom etmoqda. 15 iyun kuni, Shavkat Mirziyoev Turkmanistonga safari ortidan, respublikada ham ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...