Asosiy mavzular
28 avgust 2020

Islom Karimov o‘lganiga to‘rt yil to‘ldi

Islom Karimov o‘limi haqida ilk bor «Eltuz» nashri 2016 yilning 29 avgust kuni bir-biridan mustaqil manbalari tasdig‘iga ko‘ra xabar bergan edi. Shu kuni 27 yil O‘zbekiston prezidenti bo‘lgan Islom Karimov soat 18.30 da Toshkentning Lunacharskiy dahasidagi davlat statsionarida olamdan ko‘z yumgan edi. Biroq uning qabrida 2 sentyabr kuni o‘lgani yozilgan. Bugun «Eltuz» ayni seriyadagi chizilgan karikaturalar to‘plamini e'lon qiladi.

2016 yil 28 avgust. Bemorning tirikligidan o‘lgani aniqroq…

Karimovning na o‘lik, na tirikligi davlat siri darajasida maxfiy qolarkan, bir narsa yanada yaqqol ko‘zga tashlanadi – mamlakatning taqa-taq berkitilayotgan ichki va tashqi chegaralari…

2016 yil 30 avgust.  Yangi yurtboshi aniq bo‘lguncha…

Hatto o‘limidan so‘ng Mustaqillik kuni munosabati bilan dunyo mamlakatlari rahbarlaridan Karimovga kelgan xatlar rasmiy matbuotda e'lon qilindi.

2016 yil 1 sentyabr. «Janob prezident, sizga xat keldi!»

Prezident o‘limidan bir hafta o‘tib ham uning tirikligi, sog‘lig‘iga duoda bo‘lishga chaqiriqlar tingani yo‘q.

2016 yil 2 sentyabr. «Omon bo‘lsin shohimiz!» 

Karimov o‘limidan so‘ng o‘zbek ijtimoiy tarmog‘ida uning shaxsini ilohiylashtirish motivlari avj oldi.

2016 yil 3 sentyabr. «Karimovning arvohiga sig‘inish»

Karimov o‘lganidan keyin barcha diktatorlik jamiyatlarida kutilgan hol ro‘y berdi. Ba'zilari majburiy, ba'zilari ixtiyoriy tartibda ma'raka statistlari qatoriga hatto Karimov ijirg‘angan «dangasalar» – Rossiya ko‘chalarini supurayotgan mardikorlar ham qo‘shildi.

2016 yil 6 sentyabr. «Bizdan ijirg‘angan bo‘lsa ham dodani sevamiz!»

Karimovning qizi Gulnora Karimovaning chet elda muzlatilgan pullari kimga qaytariladi?

2016 yil. «Qizimning pulini qaytaringlar!»

1897 yilda qurilgan tarixiy Jo‘rabek masjidi Karimovning kenja qizi Lola va kuyovi Temur Tillaevlar tomonidan «ta'mirlanib», unga «Islom ota» nomi berildi.

2016 yil 11 oktyabr. Tarixiy masjid nomi «Islom ota» qilib o‘zgartirildi

Moskva shahri hokimi Sergey Sobyanin 2017 yilning 27 oktyabrida Rossiya poytaxtining Yakimanka tumanida Islom Karimovga haykal o‘rnatish haqida qaror chiqardi.

2016 yil 27 oktyabr. Ruslar Karimovga haykal qo‘yilishiga qarshi chiqishmoqda.

Prezidentning Karimovga haykallar o‘rnatish taklifi ortidan Toshkent, Samarqand va Qarshida haykallar o‘rnatiladigan, mustabid qabri ustiga maqbara ham quriladigan bo‘ldi.

2017 yil 7 mart. «Xalqimiz odatidan kelib chiqib…»

Islom Karimovga yodgorlik yaratish bo‘yicha 2017 yilgi tanlovda o‘zbekistonlik haykaltarosh Ilhom Jabborov g‘olib chiqdi.

2017 yil 26 aprel.  «Men endi Karimovni ishtonsiz qilib yasayman!»

Mirziyoev 22 mart kuni davlat tashrifi bilan Ostonaga keldi. Karimovning o‘limidan bir yil oldin Nazarboev bilan Chimbuloqda tushgan fotosurati rassom Tuz uchun mavzu bo‘ldi.

2017 yil 23 mart. «Yoningizdagi arvohdan qo‘rqaman!»

Rassom Tuz O‘zbekiston birinchi xonimining Kapitoliy maydonida o‘rnatilgan yodgorlik toshi yonidagi ichki kechinmalarini o‘zicha aks ettiradi.

2018 yil 18 may. «Karimovning alvasti xotini ham shu yerdan o‘tgan ekan-da?»

O‘limidan bir-ikki yil burun ham Karimovning o‘lgani haqida har xil xabarlar tarqalgan. Jumladan, 2015 yilda ijtimoiy tarmoqlarda 17 noyabrga o‘tar kechasi Karimov «yurak o‘ynog‘idan o‘ldi», deya tarqalgan xabar tasdig‘ini topmagandi.

2015 yil 19 noyabr. «O‘limim haqidagi xabarni sen tarqatdingmi?»

Karimovning o‘limi rasman 2016 yilning 2 sentyabrida e'lon qilingan.

Rassomlar: Tuz, Adolat, Elsevar – 2015-2020 y.
Eltuz.com

Tag‘in o‘qing
5 yanvar 2017
Zilziladan keyin vayron bo‘lgan Toshkent o‘z ijodiy imkoniyatini realizatsiya qilish uchun yer qidirgan sovet me'morlari uchun yangi imkoniyatlar ochdi. ...
1 fevral 2024
Ukrainadagi bolalarni o‘ldirayotgan o‘ris poroxini O‘zbekiston ta'minlamoqda, bu O‘zbekistonni urush jinoyatchisi sifatida sanktsiyalar botqog‘iga abadiy cho‘ktirishi mumkin. Porox ishlab chiqarish ...
25 iyun 2020
Farg‘ona viloyatining Buvayda va Uchko‘prik tumanlarida ipak qurti boqqan kam ta'minlangan oilalar Mehnat vazirligi va “O‘zbekipaksanoat” uyushmasi tomonidan va'da ...
14 aprel 2017
14 aprel kuni toshkentlik jurnalist Aleksey Volosevich, Buxoroning Romitan tumanida, Gazli shahar militsiyasi xodimlari tomonidan ushlandi. Alekseyning so‘zlariga ko‘ra, ...
Bloglar
21 aprel 2024
Kartinani kecha uyimga olib keldim. Bir kecha termilib yotmoqchi edim. Lekin imkon bo‘lmadi. Doimgidek hayot ...
6 aprel 2024
Bugungi kunda rus propagandasi faqat rus telekanallari orqali berilyapti degan odam qattiq yanglishadi, chunki propaganda ...
28 mart 2024
Rossiya gumondorlarini qiynagani IShID versiyasini yo‘qqa chiqarmaydi.  Bu yerda bir eski siyqa tryuk ishlatiladi. Spetsslujbada bu ...