Asosiy mavzular
28 may 2019

Muhammad Solihning kitobi uchun jazolangan shoir hikoyasi

Ichki ishlar vazirligi tergov departamenti xorazmlik shoir va jurnalist 56 yashar Mahmud Rajabga nisbatan diniy ekstremizmni targ‘ib qiluvchi materiallar kontrabandasi bo‘yicha jinoyat ishini 30 aprel kuni ochdi.

Jinoiy ishga asos qilib, 26 mart kuni Toshkent aeroportila Mahmud Rajabdan olib qo‘yilgan kitob va audiomateriallar kiritilgan.

O‘sha kuni u Gruziyadagi seminardan Istanbul orqali qaytgan va muxolifat lideri Muhammad Solih kitoblarini o‘zi bilan olgan.

Musodara qilingan kitoblar orasida Muhammad Bekjonning qamoqda o‘tgan kunlari haqidagi «Alvido, Jasliq» kitobining bir necha nusxasi ham bor edi.

Tergov departamenti rasmiy bildirishida yozilishicha, kitoblar hamda bir dona “Mi 5+” rusumli mobil telefon apparati xotirasida diniy mazmundagi, aqidaparastlik g‘oyalari bilan yo‘g‘rilgan materiallar (video, audioyozuvlar va elektron kitoblar) borligi aniqlangan.

Mahmud Rajab 27 may kuni «Eltuz» muxbiriga bergan intervyusida esa uyida tintuv o‘tkazilgan paytda ham unga jinoyat ishi ochilgani haqida aytishmaganini bildirdi:

«Ular birorta savolimga javob berishmadi. O‘zlarini tanishtirishmadi. Hujjatlarini ko‘rsatishmadi. Tintuv davomidayam «Boshliqlaringiz kim?», «Kim bo‘lasizlar?», «Qaysi idoradansizlar?», degan savollarimga ham javob berishni istamadi ular».

Mahmud Rajab bu kitoblarga o‘zbek ziyolilari orasida katta qiziqish borligi uchun Istanbuldan olib kelganini aytadi.

Mahmud Rajabning do‘stlari va hamkasblari esa u o‘z hayoti va ijodi bilan har qanday ekstremizmdan yiroqligini namoyish qilayotganini bildirishadi.

Mahmud Rajab kitoblar bir bahona ekani, aslida unga nisbatan bosimlarga O‘zbekistonda majburiy mehnatga qarshi faoliyati sabab bo‘lganini aytmoqda.

Mahmud Rajabning fikricha, unga qarshi ish ochishdan yana bir maqsad uning atrofidagilarni qo‘rqitishdir.

«Bu voqealarni uyushtirishdan maqsad meni qo‘rqitish emas. Chunki mening qo‘rqmasligimni ular yaxshi bilishadi. Boshqalarni qo‘rqitish bu. Mening atrofimda do‘stlarim ko‘p. Odamlarni qo‘rqitish. Xalqni qo‘rqitish ularning maqsadi.»

Mahmud Rajab yashayotgan Nurli yo‘l mahalla fuqarolar yig‘ini raisi uning biror diniy ekstremizmga aloqador ekanligini inkor etmoqda.

Mahmud Rajab tintuv paytida kitoblari, ishlatilmagan SD disklari va uning yangi mobil telefonidan tashqari siyosiy varaqa deya rasmiylashtirib yetti varaq qog‘ozni ham musodara qilishganini aytadi.

IIV saytida e'lon qilingan rasmiy bildirishga ko‘ra, tintuvda olingan ashyolar yuzasidan tegishli (dinshunoslik, sud-siyosatshunoslik-lingvistik, kompyuter-texnik) ekspertizalar tayinlangan.

Video: https://youtu.be/Bbw5BAvTROI

Eltuz.com

Tag‘in o‘qing
30 dekabr 2019
Rossiya tashqi ishlar vaziri Sergey Lavrov 2020 yilning 12-13 yanvar kunlari O‘zbekistonga rasmiy tashrif buyuradi. Uni Prezident Shavkat Mirziyoev ...
8 mart 2021
Senat raisining birinchi o‘rinbosari Sodiq Safoev 2021 yilgi prezident saylovida Shavkat Mirziyoevdan boshqa loyiq nomzodni ko‘rmayotganini aytdi. Prezident Shavkat ...
7 fevral 2019
Toshkentda prezident huzuridagi Davlat boshqaruvi akademiyasida 5 fevral kuni «Buyuk kelajak» tashkiloti tashabbusi bilan «O‘zbekistan-2035» ikkinchi xalqaro forumi o‘z ...
20 may 2016
Mashhur faollardan biri va O‘zbekiston huquq himoyachilari alyansi yetakchisi Ye.Urlaeva ko‘p bora og‘ir voqealarni boshdan kechirgandan keyin 9 mart ...
Bloglar
26 noyabr 2022
Nukusdagi voqealarni o‘rganish bo‘yicha parlament komissiyasi taklifi va Qoraqalpog‘iston Jo‘qorg‘i Kengesi iltimosnomasiga ko‘ra, namoyishlarda qatnashib ...
3 noyabr 2022
1906 yilning 3 noyabrida Germaniyaning Berlin shahrida o‘tgan Xalqaro radiotelegrafiya anjumanida SOS signali halokatni bildiruvchi ...
1 noyabr 2022
Ulug‘ o‘zbek shoiri va muholifat lideri Muhammad Solih bilan suhbatning 11-qismi Turk birligi g‘oyasi va ...