Asosiy mavzular
20 avgust 2019

Asakalik tadbirkor bozorini sherigi tortib olganini aytmoqda

Asakalik tadbirkor Sirojiddin Najmiddinov tuman markazida tashkil qilgan «Tasanno Omad Lyuks» savdo majmuasini sherigi Anvar O‘rinboev tortib olinganidan shikoyat qilmoqda.

Asakalik tadbirkor Sirojiddin Najmiddinov. Foto: Malohat Eshonqulova

Iqtisodiy ishlar bo‘yicha Namangan viloyati sudi joriy yilning 13 avgust kuni bundan avvalgi sudning Najmiddinovni «Tasanno Omad Lyuks» MChJ ta'sischilari safidan chiqarish haqidagi qarorini o‘z kuchida qoldirdi.

2019 yil 19 may kuni iqtisodiy ishlar bo‘yicha Andijon tumanlararo sudi jamiyatning yana bir ta'sischisi Anvar O‘rinboev foydasiga qaror chiqargan. Uning ishtirokisiz o‘tkazilgan majlis bayonnomalari va shartnomalarini haqiqiy emas, deya topgan. Sirojiddin Najmiddinovni 167-modda (o‘zganing mulkini o‘zlashtirish) bo‘yicha ayblagan edi.

Andijon tumanlararo sudi qaroridan

Najmiddinovning «Eltuz»ga bildirishicha, u savdo majmuasi tashkil etish maqsadida sherigi Alisher Tolipov bilan birga 2011 yilning avgust oyida «Tasanno Omad Lyuks» MChJni tashkil qilgan. Anvar O‘rinboev jamiyatga keyin kelib qo‘shilgan.

S. Najmiddinov bozor qurilishini yetti yil burun shu tashlandiq joyda boshlaganini aytadi

«Men jamiyatning nizom jamg‘armasini shakllantirish uchun jami 1.800.000 so‘mni o‘z yonimdan to‘ladim. 2011 yili nizom jamg‘armasi 10.000.000 so‘mga oshirildi. O‘rinboevning ulushi 45 foiz, meniki 55 foiz etib belgilandi. Ammo u tag‘in o‘z ulushini to‘lashdan bosh tortdi. Men o‘zim uchun 4.000.000 O‘rinboev uchun 3.000.000 so‘m to‘lashga majbur bo‘ldim», deydi Najmiddinov «Eltuz» muxbiriga.

Bozor majmuasi qurilishi

«Tasanno Omad Lyuks» MChJning bir qancha xizmatchilari ham Anvar O‘rinboevning bozor majmuasi qurilishida mutlaqo ko‘rinmagani, mablag‘ ham qo‘shmaganini tasdiqlashadi.

«Anvar degani majlis yig‘ilishlariga kelgani ham yo‘q. Hech kim uni tanimaydi ham. Chunki u 20 yildan beri Toshkentda yashaydi», deydi shirkat omborchisi Boltaboy Dilmurodov.

Bozordagi videoqo‘riqlash uskunasi

Sirojiddin Najmiddinov o‘z «sherigi» Anvar O‘rinboevning sud, prokuratura idoralaridagi tanishlarini pesh qilib, shantaj yo‘li bilan jamiyatning 45 foiz ulushiga egalik qilgani, keyinchalik esa sudning uni egalik huquqidan mahrum qilish qarorini olishga erishganini iddao qiladi.

«Jamiyatni oyoqqa turg‘azishga, 500 o‘ringa mo‘ljallangan bozor majmuasi qurilishiga 7 yil umrim, harakatim, pul mablag‘larim ketdi. Endi qurib bitkazilganida hammasini yo‘qotdim. Endi men hech kimman», deydi tadbirkor «Eltuz» nashriga bergan intervyusida.

«Tasanno Omad Lyuks» MChJga tegishli bozor majmuasining bugungi ko‘rinishi

«Eltuz» nashri muxbiri hozircha Asakadagi «Tasanno Omad Lyuks» MChJga ega chiqayotgan Anvar O‘rinboev bilan bog‘lana olgani yo‘q. Demak, mavzu mulk mojarosidagi ikkinchi taraf uchun ochiq qoladi.

Eltuz.com

Tag‘in o‘qing
14 mart 2022
O‘zbekistondagi jinoyat olami qiroli Baxti Tashkentskiy nomi bilan mashhur Baxtiyor Qudratullaevning 28 yashar o‘g‘li Ixtiyor Toshkentning qoq markazida qimmatbaho ...
28 sentyabr 2021
Ko‘pincha korxonalar rahbarlari o‘z xodimlari shtatini ko‘paytirmasdan, fuqarolik-huquqiy tusdagi shartnomalar tuzish yo‘li bilan zarur mutaxassislarni jalb etishga harakat qiladi.  ...
22 iyul 2017
E'tiroz bildirishga urinib ham ko‘rmang, chunki bu bugunning haqiqati. O‘zbekistonning qaysi viloyatiga bormang, paxtazorda yurgan, ko‘cha supurayotgan, tezak, qog‘oz, ...
15 oktyabr 2023
Qashqadaryolik 61 yoshdagi erkak jami 32 bosh echkiemarni tutib olib, ulardan 12 tasini so‘yib yegan. Qolgan 20 tasini keyinchalik ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...