Video: Andijonda toza ichimlik suv ko‘chaga oqmoqda

Videoda Andijon shahri bozori maydoni, Qosimov ko‘chasidagi ahvol aks etgan. Siz video tomosha qilayotgan paytda, 24 noyabr kuni toza ichimlik suv ko‘chaga oqib yotibdi. Andijonliklarning so‘zlariga ko‘ra, suv ikki oydan buyon oqmoqda.

«Eltuz»ga shikoyat qilgan Andijon shahri turg‘uniga ko‘ra, bu ahvol sentyabr oyida kanalizatsiya qazish paytida ro‘y bergan va chirigan quvurlardan suv oqa boshlagan.

«Bir necha bor pona qoqib ketishdi. Lekin quvurlar eski bo‘lgani uchun mana shunaqa ahvol», dedi u.

Uning tag‘in aytishicha, suv ko‘chaga yotqizilgan bruschatkalarni ham yuvib ketgan. Aholining Andijon shahri «Suvoqova» idorasiga murojaatlari natijasiz qolmoqda.

Eltuz.com