Asosiy mavzular
3 dekabr 2020

O‘zini yoqqan ayolning onasi hamon hokimdan yordam kutmoqda

Namanganning yangi hokimi Shavkat Abdurazzaqov MIB xodimlari tomonidan uyidan chiqarilishiga norozilik sifatida o‘zini yoqib halok bo‘lgan Gulandom Dadaboevaning onasi va bolalariga bergan va'dasini hunuz bajarmadi.

O‘zbek internet saytlari Namangan hokimi marhumaning oilasiga ko‘mak bermoqchi ekanligi, ikki bolasini otaliqqa olgani haqida xabarlar tarqatgandi. 

“Eltuz” bu masalaga oydinlik kiritish maqsadida marhumaning yaqinlari va hokimlik vakillari bilan bog‘landi. 

Gulandom Dadaboevaning onasi uy muammosi hali-hamon o‘z yechimini topmagani, hokim bergan va'dasining ustidan chiqmaganini bildirdi.

– Uyni sotgan bola qochib yuribdi, – dedi marhumaning onasi Muhabbat Dadaboeva. – Uy muammosi ham hali bartaraf etilgani yo‘q. Hokim kelib ikki nabiramni ikki yoniga olib rasmga tushdi. U qilaman, bu qilaman, yordam beraman, dedi. Ammo shu bo‘yicha yo‘q bo‘lib ketdi. 

Uning so‘zlariga ko‘ra, hokimlikka ikki marta borib, rahbarning yordamchisi bilan gaplashgan. Yordamchi esa barcha gaplarni hokimga yetkazishga va'da bergan. Lekin hunuzgacha hech qanday ijobiy natija yo‘q. 

“Hatto Saida Mirziyoeva ham bu oilaga yordam qilinadi, deganiga katta umid bog‘lagandim. Hammadan ham hokimdan ko‘nglim qoldi. Balki yuqoridagilar hokim rostan shu ishni qildi, oilaga ko‘mak berdi, bolalarni otaliqqa oldi, deb o‘ylar. Yo‘q, hokim hech qanaqa amaliy yordam ko‘rsatmadi”, dedi marhumaning onasi.

“Eltuz” muxbiri bilan gaplashgan hokimlik vakili Muhabbat Dadaboevadan hech qanday murojaat kelib tushmagani, bu bo‘yicha ma'lumot taqdim etolmasligini aytish bilan cheklandi. 

“Eltuz” joriy yilning 29 sentyabr kuni uy masalasi ustidagi tortishuv oqibatida Namangan shahrining Bog‘i Eram ko‘chasida yashovchi 35 yoshli Gulandom Dadaboeva MIB xodimlari oldida o‘zini yoqib yuborgani haqida yozgandi. 

30 sentyabr kuni esa u shifoxonada vafot etdi. Bu voqea o‘zbek internet segmentini larzaga keltirgandi. Marhuma ikki o‘g‘li va onasi bilan o‘sha mojarosi yechim topmagan uyda yashardi. 

Eltuz.com

Tag‘in o‘qing
1 oktyabr 2018
So‘nggi kunlarda O‘zbekistonning moliyaviy hayotida ikkita diqqatga sazovor voqea sodir bo‘ldi. Birinchisi Markaziy bank qayta moliyalash stavkasining 14 foizdan ...
18 fevral 2020
“2017 yil yanvar oyida, ya'ni mening ozodlikka chiqib ketishimga sanoqli kunlar qolganida, biz oxirgi marta uchrashib suhbatlashdik. Bizning bu ...
3 yanvar 2017
CNN-Turk kanalida yoyinlangan videoda Istanbuldagi Reina tungi klubiga hujum qilgan kimsaning Istanbul xalqaro aeroporti pasport nazorat bo‘limidan o‘tayotgan payti ...
4 avgust 2018
Ezgulik farishtalari 21 yillik qamoqdan yupun chiqqan mahkumga kiyim eltayotgan bir paytda SNB va MVDdagi yovuzlar sobiq mahbusning keyingi ...
Bloglar
27 yanvar 2021
Eltuz qisqa hajviy animatsion filmlar turkumini davom ettiradi. Navbatdagi filmda buldozer daraxtzorni surib tashlaydi va ...
18 yanvar 2021
Bor ekanda yo‘q ekan, och ekanda to‘q ekan, yaqin-yaqin zamonlarda yot bosqinchilarning yuz yildan ko‘proq ...
13 yanvar 2021
Kun.uz professionallarni ishga qabul qilar emish. Katta maosh, ikki mahal ovqat. Sihatgohning o‘zi-ya! Bunday ishxonani ...