Asosiy mavzular
21 sentyabr 2022

Shartnoma qani?

O‘zbekistondagi ko‘plab fermer xo‘jaliklari klasterlar paxta va boshoqli don xarid qilish bo‘yicha fyuchers shartnomalar nusxasini haligacha o‘zlariga bermayotganidan norozilik bildirmoqda.

Xususan, Andijon tumanida 97 ta, Izboskan tumanida 130 ta, Yangibozor tumanida 146 ta fermer xo‘jaligi 2022 yil paxta xaridi va 2023 yil boshoqli don xaridi bo‘yicha fyuchers shartnomalarni olmagan.

Bu haqda O‘zbekiston Fermer, dehqon xo‘jaliklari va tomorqa yer egalari kengashi raisi o‘rinbosarining Bosh prokuratura va Qishloq xo‘jaligi vazirligiga yo‘llagan maktubida aytib o‘tilgan.

“Masalan, Andijon tumanida faoliyat yuritayotgan “Qodir bobo ozod zamini” fermer xo‘jaligi ish yurituvchisi Z.Otajonov paxta terimi boshlanib ketgan bo‘lsa-da, “Sohib omad baraka” MChJ paxta-to‘qimachilik klasteri tomonidan shartnoma nusxasi shu kunga qadar berilmaganini ma'lum qilgan”, deyiladi maktubda.

Nusxasi “Eltuz”da mavjud ushbu maktubda aytilishicha, o‘tkazilgan so‘rovda Paxtakor, Mingbuloq, Paxtachi va Muzrabot tumanlaridagi fermer xo‘jaliklari rahbarlari klasterlar bilan paxta va boshoqli don xaridi bo‘yicha tuzilgan fyuchers shartnomalarni olmagani aniqlangan.

“Bu kabi holatlarga respublikaning barcha hududlarida yo‘l qo‘yilmoqda”, deyiladi Fermer, dehqon xo‘jaliklari va tomorqa yer egalari kengashi raisi o‘rinbosari Z.Mustafoqulovning maktubida.

Amaldagi qonunchilikka ko‘ra, paxta va boshoqli don xarid qilish bo‘yicha fyuchers shartnomalar tuman qishloq xo‘jaligi bo‘limlarida ro‘yxatdan o‘tkazilganidan keyin ikki kun ichida imzolangan holda xo‘jaliklarga berilishi shart.

O‘z-o‘zidan ma'lumki, shartnoma bo‘lmagan taqdirda fermer xo‘jaliklarining moliyaviy faoliyati izdan chiqadi. O‘zbekiston tajribasida bu holatda klaster emas, fermer xo‘jaligi hokimlik tazyiqi ostida qolishi ko‘p kuzatilgan.

Maktubda Bosh prokuraturadan shartnomalar berilmagani holatlari bo‘yicha “aybdor shaxslarni qonunda belgilangan tartibda javobgarlikka tortish, xo‘jalik yurituvchi subektga yetkazilgan zararni qoplash”, Qishloq xo‘jaligi vazirligidan esa “shartnoma nusxasini fermer xo‘jaliklariga yetkazish choralarini ko‘rish” so‘ralgan.

“Eltuz”

Tag‘in o‘qing
2 noyabr 2023
Mazkur sana jurnalistlarga qarshi jinoyatlar uchun jazosizlikni to‘xtatish muhimligiga jamoatchilik e'tiborini qaratish imkoniyatini beradi. Birlashgan Millatlar Tashkiloti jazosizlikning og‘ir ...
13 sentyabr 2019
Jamoatchilik bosimi nima degani? Buni mashhur rus rassomi Vyacheslav Zaytsev aytib bergan edi. Zaytsev kichkinaligida barcha sovet bolalari qora ...
5 fevral 2018
O‘zbekiston parlamentining ikki deputati Vazirlar Mahkamasining yuridik shaxslar avtomobillari haydovchilarining aynan «Avtotest-Report» MChJ malaka kurslarida o‘qib, majburiy sertifikat olishi ...
6 iyun 2016
Yildan yilga mamlakatda aholi sonining oshishi, pul topish qiyinlashgani va o‘qish sifatining pasaygani bois Oliy o‘quv yurtlariga o‘qishga kirish ...
Bloglar
6 aprel 2024
Bugungi kunda rus propagandasi faqat rus telekanallari orqali berilyapti degan odam qattiq yanglishadi, chunki propaganda ...
28 mart 2024
Rossiya gumondorlarini qiynagani IShID versiyasini yo‘qqa chiqarmaydi.  Bu yerda bir eski siyqa tryuk ishlatiladi. Spetsslujbada bu ...
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...