Prezident Mirziyoev islohotlariga tanqidiy nazar va fermerlarga maslahatlar

Qishloq xo‘jaligi mutaxassisi, 70 yoshli Ismoil Ospanov “Eltuz” orqali o‘z turkum chiqishlarini davom ettirib, navbatdagi videosini prezident Shavkat Mirziyoevning qishloq xo‘jaligidagi islohotlari tanqidiga bag‘ishladi.

Bu videosida Ismoil Ospanov o‘z tajribasidan misollar keltirib, o‘zbek fermerlariga yerga ishlov berishda nimalar qilish va aynan nimalar qilmaslik to‘g‘risida maslahatlar beradi.

Bundan ilgari “Eltuz” kanalida chop etilgan bir qancha videochiqishlarida sobiq hokim Ismoil Ospanov tabiiy gaz va elektr yetishmovchiligi muammolarining sabablari haqida ham to‘xtalgan edi.

Shuningdek, Ospanov prezidentning kadrlar siyosati, dehqonlar huquqlarining kamsitilishi, klaster tizimidagi korruptsiya holatlarini tanqid ostiga olgan edi.

Eltuz.com