Asosiy mavzular
1 mart 2021

Xidirnazar Allaqulov: Menga ruhiy ta'sir o‘tkazish uchun qizimni qiynashdi

Kuch tizimlari xodimlari tomonidan uyidan Andijon viloyatiga olib ketilib tergov qilingan yangi partiya tashabbuskori Xidirnazar Allaqulov 1 mart kuni voqeaning so‘nggi tafsilotlari yuzasidan «Eltuz»ga intervyu berdi.

 “Hozir kenja qizim bilan uchrashgani shifoxonaga ketyapman. 26 fevral kuni, men uy eshiklarini berkitib bayonot bilan chiqayotgan paytimda uni kuchishlatar tizim xodimlari pod'ezdda urib qiynashgan. Ularning maqsadi – men qizimning dodlagan tovushiga chiday olmay, bayonotni to‘xtatib tashqariga chiqishim kerak edi”, deydi Xidirnazar Allaqulov.

Voqeaning ilgari jamoatchilikka ochiqlanmagan ayni tafsilotlariga ko‘ra, uning qizi 41 yoshli E'tibor Allaqulova uni pod'ezdda qiynagan to‘rtta xodimdan birini tanigani, uni bir kun oldin 25 fevral kuni dadasi oldidan kelgan odamlar orasida ko‘rganini bildirgan.

Xidirnazar Allaqulov “Eltuz”ga, shuningdek, o‘sha kuni nabirasi Shahrizoda tasvirga olgan videoda bir kun o‘tib uyi pod'ezdida uning qizini qiynab azob bergan shaxsning ham surati saqlanganini bildirdi.

«Qizimning barmog‘ini pod'ezddagi deraza romiga qisib qattiq ezib qiynashgani tibbiyot xodimlari tomonidan tasdiqlandi. Hozir uning bosh qismidagi jarohatlarni tekshirtirish uchun MRT bo‘limiga ketyapmiz», dedi 1 mart kuni, dastlabki suhbatdan sal vaqt o‘tib Xidirnazar Allaqulov «Eltuz»ga.

26 fevral kuni yangi tuzilajak «Haqiqat va taraqqiyot» sotsial- demokratik partiyasi tashabbuskori, iqtisod fanlari doktori Xidirnazar Allaqulovning uyi 30 dan ziyod Milliy gvardiyaning 30dan ziyod xodimi tomonidan o‘rab olingan, ko‘p etmay u hibs etilib, Andijon viloyatiga olib ketilgan edi.

Xidirnazar Allaqulovning «Eltuz»ga bildirishicha, kuchishlatar tizim xodimlari uning qo‘llarini qayirib, oyog‘idan sudrab mashinaga tiqishgan. Ularning biri ko‘krak qafasiga yotib olib qattiq ezgan.

“Nafas yetmay o‘lib qolishimga sal qoldi. Shunda qo‘llarim musht bo‘lib tugildi.  Ularni urib yuborishdan o‘zimni zo‘rg‘a tiydim. Mashinadan tushganimizda ular bunday bo‘lganini tan olishmadi. Shunda ko‘krak cho‘ntagimdan ezilib ketgan ko‘zoynagimni olib ko‘rsatdim”, deydi Allaqulov “Eltuz”ga bergan intervyusida.

Shu kuni Allaqulovning talabiga ko‘ra, u Andijon shahri sud tibbiyot ekspertizasi bo‘limiga olib borilib, olgan jarohatlari ekspertizadan o‘tkazilgan.

28 fevral kuni esa Xidirnazar Allaqulov Buloqboshi tumani IIB tergov bo‘limida Jinoyat kodeksining 141-moddasi prim 1-qismi (shaxsning shaxsiy yoki oilaviy sirini tashkil etuvchi shaxsiy hayoti to‘g‘risidagi ma'lumotlarni uning roziligisiz qonunga xilof ravishda yig‘ish yoki tarqatish)ga oid ish yuzasidan guvoh sifatida tergov qilingan.

Elruz.com

Tag‘in o‘qing
27 sentyabr 2019
Shu kunlarda hafsalam pirdir – aytganlarim nafcilambirdir. Qattiqroq gapirmaslik uchun ertak aytsam. Bir bor ekan, bir yo‘q ekan, bittasi ...
24 oktyabr 2022
Olmaotadagi tumanlararo tergov sudi 7 oktyabr kuni O‘zbekistonda separatizmda gumonlangan qoraqalpog‘istonlik Ziuar Mirmanbetovani hibsga olish haqida qaror chiqardi.Bundan oldin ...
8 may 2017
Ijtimoiy tarmoqda kartoshka savdosi bilan bog‘liq janjal va turnaqator navbatlar aks etgan tasvirlar bot-bot paydo bo‘la boshladi. O‘zbekistonda eng ...
1 noyabr 2016
Rossiyada Karimov nomidagi hiyobonning paydo bo‘lishi birinchi noyabrga, boshqacha aytganda jodugarlar kuni – Hellouinga to‘g‘ri keldi. Moskva meriyasi shuningdek, ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...