Asosiy mavzular
3 iyun 2022

Sanjar va Ruxshonaning aksil muhabbat qissasi

Jinoyat ishlari bo‘yicha Yashnobod tuman sudi xotinini kaltaklagan rejissyor Sanjar Matkarimovni ikki yilu bir oy ozodlikdan cheklash hakida hukm o‘qidi. O‘zbekiston JK 109¸139¸141 moddalari bo‘yicha aybli deb topilgan Matkarimov qasddan badanga yengil shikast yetkazish, tuxmat va xakorat qilganlikda ayblandi. Sud hukmiga ko‘ra Matkarimovning ozodligi ikki yilu bir oy muddatga cheklandi. Shu muddat ichida Matkarimov o‘z uyida tungi soat 22 00 dan ertalabki 7 00 gacha bo‘lishi shart.

Joriy yilning aprel oyi boshida qo‘shuqchi Ruxshona sobiq eri Sanjar Matkarimov ustidan shikoyat bilan tuman sudiga murojaat etgan edi. Bu shikoyatda qo‘shiqchi o‘zining rejissyor erini mushtumzo‘rlikda ayblagan edi.

«Eltuz» muxbiri suhbatda sud aybdor deb toogan Sanjar Matkarimov o‘zini jabrlangan deb hisoblashi va xotini Ruxshonani tuhmatchi deya bilishini uqtirdi.

Eltuz bilan suhbatda Matkarimov sud qarori va sud ekspertiza xulosalaridan noroziligini ham bildirdi;

–Menga nisbatan sud noto‘g‘ri hukm chiqardi, –deydi rejissyor Sanjar Matkarimov. –Ruxshonaning shaxsiy daxlsizligiga rahna solmaganman. Aksincha, u men bilan yashab yurganida qilib yurgan qilmishlari nafsoniyatimga tegdi. Avval ham aynan shu mavzularda oilaviy kelishmovchiliklar kelib chiqardi. Uning yolg‘on va aldovlariga uchgan ekanman. Hayotda ham ko‘p rol o‘ynadi. Menda ham ochiqlashga arzigulik dalillar bor. Qo‘limda uning men bilan yashab yurgan kezlardagi bir necha kishilar bilan ishqiy yozishmalari, yaqin munosabatlari aks etgan faktlar bor. Gapiraman desa gap ko‘p. Mening o‘rnimda boshqa bo‘lganda ham jahli chiqishi tabiiy edi. Chunki oila muqaddas, unda er va xotinning hech bir hujjatda yozilmagan burchlari bor. Qolaversa, o‘rtada bolalar uchun ham men o‘zimni tiyib turgan edim. Sud hukmidan noroziman va tartibga ko‘ra o‘z shikoyatlarimni taqdim etaman.

Xonanda Ruxshona «Eltuz» muxbiriga eri tomonidan ruxiy va jismoniy tazyiqlar kundan-kunga kuchayib borayotganidan so‘ng uni sudga berishga majbur bo‘lganini va boshqa ma'lumotlarni advokati ruhsatisiz taqdim eta olmasligi ma'lum qildi.

Jinoyat ishlari bo‘yicha Yashnobod tuman sudi mulozimi Sanjar Matkarimov ishi bo‘yicha jarayon davom etishi mumkinligini aytdi.

Shuningdek, «Eltuz» ga sudda kotiblik qilgan xodimning bergan ma'lumotiga ko‘ra, Ruxshona va Sanjar Matkarimov 2021 yilning oktyabr sanasidan buyon birga yashashmaydi va tomonlar ajrashishga qaror qilishgan( Hali ajrim yakuniga yetmagan). Xonanda Ruxshonaning arizasiga ko‘ra, Bu orada Sanjar uning shaxsiy daxlsizligiga tahdid qilgan va ijod qilishiga turli ko‘rinishda halal bergan. Sobiq turmush o‘rtog‘i Sanjar Matkarimov Ruxshonaning shaxsiy videolari va rasmlarini ijtimoiy tarmoqlarda tarqatgan. Ruxshonaning telefon orqali bo‘lgan yozishmalarini uning ruxsatisiz o‘qigan va xonandadan yozishmalar bo‘yicha izoh talab qilgan. Xonandaning bo‘yin, yelka va qorin qismiga yengil tan jarohati yetkazgan. Arizada ko‘rsatilgan vajlar sud ekspertiza xulosalarida ham o‘z tasdig‘ini topgan.

Ma'lumot o‘rnida, Ruxshona va Sanjar Matkarimov 2016 yil 7 mayda turmush qurgan. Ikki nafar farzandi bor.

Tag‘in o‘qing
4 oktyabr 2017
4 oktyabr kuni tushdan keyin 67 yoshli mahkum jurnalist Solijon Abdurahmonov Qarshidagi Shayxali qamoqxonasidan ozod etildi. Foto: Huquq faoli ...
8 yanvar 2016
Qishning qahri qattiqlashgan sari, gaz idorasi xodimlarining dag‘dag‘alari ortadi.  Rassom Elsevarning navbatdagi hajviy surati ham O‘zbekistondagi gaz muammolari haqida. ...
13 yanvar 2023
E'tiboringizga Eltuz «600 sekund»ning 12 yanvar sonini taqdim etadi.+++Nukus voqealari bo‘yicha sudda ayblovchi separatist Dauletmurat Tojimuratovga 18 yil so‘radi.Prokuror ...
15 aprel 2020
Amerikaning nufuzli Forbes jurnali ayollar boshqarayotgan davlatlar koronavirus epidemiyasini yengishni boshqalardan yaxshiroq uddalayotganiga e'tibor qaratdi. Islandiyadan Tayvangacha va Germaniyadan to Yangi Zelandiyaga qadar ayollar qiyin ...
Bloglar
6 aprel 2024
Bugungi kunda rus propagandasi faqat rus telekanallari orqali berilyapti degan odam qattiq yanglishadi, chunki propaganda ...
28 mart 2024
Rossiya gumondorlarini qiynagani IShID versiyasini yo‘qqa chiqarmaydi.  Bu yerda bir eski siyqa tryuk ishlatiladi. Spetsslujbada bu ...
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...