Asosiy mavzular
18 iyul 2022

Bo‘stonliqdagi obida ustida «dacha» qurayotgan akaxonga «stop» deyildi

Bo‘stonliq tumani «Xo‘jakenttepa shahristoni» arxeologiya yodgorligi hududida noqonuniy qurilish ishlari olib borilayotgani bilan bog‘liq vandalizm voqeasini Bo‘stonliq tumani prokuraturasi tekshirmoqda.

Bundan oldin Eltuz nashri madaniy meros yodgorligi joylashgan hududda betondan dacha qurayotgan «akaxon» o‘zboshimchaligi haqida yozgan va videolavhani namoyish qilgan edi.

Bu ma'lumot ortidan Madaniy meros agentligi tezda ishga kirishib vaziyatni nazoratga olgani ayni agentlik taqdim qilgan rasmiy ma'lumotda ta'kidlandi:

«Bo‘stonliq tumani «Xo‘jakent» MFYda joylashgan «Xo‘jakenttepa shahristoni» arxeologiya yodgorligi IX-XII asrlarga oid bo‘lib, O‘zbekiston Respublikasi Vazirlar Mahkamasining 2019-yil 4-oktyabrdagi 846-sonli qarori bilan milliy ro‘yxatdan joy olgan.

Shuningdek mazkur obekt moddiy madaniy merosning ko‘chmas mulk obekti sifatida davlat kadastriga kiritilgan va davlat muhofazasiga olingan.

2022-yilning 1-aprel sanasida Toshkent viloyati Madaniy meros boshqarmasi vakillari tomonidan mazkur arxeologiya yodgorligi hududida tegishli ruxsatnomasiz qurilish ishlari amalga oshirilayotgani va O‘zbekiston Respublikasi Vazirlar Mahkamasining 2019-yil 30-martdagi 265-sonli qarorning 5-ilovasi talablari buzilgani aniqlangan.

Holat yuzasidan boshqarma mutaxassislari tomonidan shu kunning o‘zida dalolatnoma rasmiylashtirilib, tadbirkorga qurilish ishlarini to‘xtatish haqida ko‘rsatma va ogohlantirish xatlari berilgan.

Shuningdek, to‘plangan hujjatlar viloyat prokuraturasiga taqdim etilgan. Bugungi kunda Bo‘stonliq tumani prokuraturasi tomonidan tergovoldi harakatlari amalga oshirilmoqda.»

Eltuz Bo‘stonliq tumani «Xo‘jakenttepa shahristoni» arxeologiya yodgorligi hududida noqonuniy qurilish ishlari bilan bog‘liq xolatni kuzatishda davom etadi. Bundan oldin Eltuz Toshkent viloyatida madaniy meros ob'ektlariga zarar yetkazgan va millionlarni o‘zlashtirgan mansabdorlar o‘zboshimchaligi haqida yozgan edi.

Xususan Bo‘stonliq tumanida joylashgan «Shayx Umar Vali Bog‘istoniy» ziyoratgohini ta'mirlash-tiklash ishlari jarayonida 402,7 mln so‘mlik byudjet mablag‘larini noqonuniy o‘zlashtirgan.

Toshkent viloyati Qibray tumanidagi «Qilichli ota» ziyoratgohida qayta ta'mirlash chog‘ida «TOSHMELIOQURILISH» MChJ mansabdor shaxslari , bajarilgan qurilish ishlari bo‘yicha tuzilgan hisob-fakturalarga soxta ma'lumotlar kiritib, haqiqatda bajarilmagan ish hajmlarini qo‘shib yozish orqali 263 mln 286 ming so‘mlik byudjet mablag‘larini noqonuniy o‘zlashtirgan.

Eltuz.com

Tag‘in o‘qing
18 fevral 2021
Manqurt «doda»lar rusga sotqinlik evaziga berilgan yuksak lavozim, lyuks mashina va uylarni xayol qilayotgan zamonlarda biz mazlum xalqimizning paxta ...
30 avgust 2018
Sentyabr kelib, Mustaqillik sharafiga karnay-surnay, maktablarda birinchi qo‘ng‘iroq, o‘qish boshlanishi ketidan mamlakatda paxta terimi boshlanadi. Nafaqat fermerlar, balki o‘quvchi, ...
21 fevral 2020
Karamzin degan rus yozuvchidan «Rossiya amaldorlari nima qilyapti?» deb so‘rashsa, «O‘g‘irlayapti», degandi. Mendan o‘zbek amaldorlari nima qilyapti, deb so‘rasangiz, “o‘g‘irlayapti ...
6 noyabr 2019
O‘zbekistonlik inson haqlari faoli A'zam Turg‘unov 31 oktyabr kuni Pragada o‘tgan taqdimotda People in Need xalqaro tashkilotining «Jasorat» mukofotiga ...
Bloglar
26 noyabr 2022
Nukusdagi voqealarni o‘rganish bo‘yicha parlament komissiyasi taklifi va Qoraqalpog‘iston Jo‘qorg‘i Kengesi iltimosnomasiga ko‘ra, namoyishlarda qatnashib ...
3 noyabr 2022
1906 yilning 3 noyabrida Germaniyaning Berlin shahrida o‘tgan Xalqaro radiotelegrafiya anjumanida SOS signali halokatni bildiruvchi ...
1 noyabr 2022
Ulug‘ o‘zbek shoiri va muholifat lideri Muhammad Solih bilan suhbatning 11-qismi Turk birligi g‘oyasi va ...