Makarevichning Toshkentdagi kontserti nega qoldirildi?

Joriy yilning 22 noyabr kuni Toshkentda o‘tishi rejalangan “Mashina vremeni” rok gruppasi kontserti qoldirildi. O‘zbekistonlik galerist Bella Sobirova, Toshkentda o‘tishi rejalangan “Mashina vremeni” kontsertining qoldirilgani sabablarini izohladi.

«Mashina vremeni» solisti Andrey Makarevichning yozishicha¸ guruhga tahdid qilingan .

“Yana bir bor quyoshli o‘lkangizga borishga chog‘lanib turuvdim. Ammo qandaydir kimsalar kontsert tashkilotchilariga bir necha bor tahdid qilganlar. Bilishimcha, mening Istroilni qo‘llab quvvatlashim bu tahdidlar sababi bo‘lgan. Men o‘zim yashayotgan davlatni qo‘llab quvvatladim», dedi o‘z izohida taniqli Rossiyalik san'atkor.

Musiqachilarga aynan kim tahdid qildi? Va aynan kimdan tashkilochilar adresiga tahdid kelib tushdi? Bu savol javobi yo‘q. Ayni paytda bu holat xavotir uyg‘otadi.

Rasman guruh lideri Makarevich tarafidan tahdid haqida aytildi.  Bu esa jinoyat ishi ochilishi uchun sabab bo‘la oladi.

Gap bir guruh kimsalarniing tarmoqda o‘tirib, dunyo kun tartibiga chiqqan nizo haqida aljirashi emas.  Gap konkret odamga o‘ldirish bilan qilingan tahdid haqida ketmoqda.  Bu esa, O‘zbekiston qonuniga ko‘ra, jinoiy harakatdir.

Odamning hayoti va salomatligiga o‘lim bilan tahdid qilish O‘zbekiston Jinoyat Protsessual Kodeksining 112 moddasida xavfli jinoyat deya malakalangan.

«Taniqli qo‘shiqchi kontsertining tashkilotchilariga tahdid qilganlarni organ xodimlari topib esini joyiga solib qo‘yadi deb umid qilaman.

Agar tahdid qilganlar bartaraf qilinsa va davlatimiz «Mashina vremeni» rok guruhi xavfsizligini ta'minlasa, Andrey Makarevich o‘z qarorini o‘zgartirib Toshkentda kontsert berishidan umidvorman», deya yozdi tarmoqdagi sahifasida O‘zbekistondagi zamonaviy san'at galereyasi asoschisi Bella Sobirova.  

Eslatib o‘tamiz Rossiyalik mashhur bastakor va qӯshiqchi Andrey Makarevich Putinning Ukrainaga qilgan bosqinchilik urushiga qarshi pozitsiyasi uchun xorijiy agent deb e'lon qilingan, bunga Makarevich qo‘shiq bilan javob qaytargan edi.

Taqdirning taqozosi bilan taniqli «Mashina vremeni» guruhi solisti Makarevich Isroildan boshpana olishga majbur bo‘ldi va uning ta'kidicha endilikda u Toshkentlik mutaassiblar tahdidiga duch kelmoqda. Eltuz O‘zbekistonga oid voqealarni yoritishda davom etadi, kanalimizga obuna bo‘ling, videolarimizga layk qoldiring.