Nukusda tug‘ilgan uch egiz qizga Shavkat, Miromon, Mirziyo ismi qo‘yildi

24 yanvar kuni Nukusda Jumamuratovlar oilasida tug‘ilgan uch egizak qizga prezident ismlari berildi. Bu haqda «Xalq so‘zi» gazetasi xabar berdi. «Eltuz» muxbiriga ma'lum bo‘lishicha, qizlarga oldin Osiyo, Robiya va Maryam deb ism qo‘yishgan, ammo mahalliy hokimlikdan olinadigan sovg‘a ta'masida qizlarga erkak prezidentning ismi qo‘yilgan.

28 yanvar kuni bu oila “Kobalt “ avtomobilini sovg‘a sifatida olgan.

2018 yilning dekabrida uch egizakka prezident ismini bergan toshkentlik Qoryog‘dievlar oilasi «Kobalt» avtomobili bilan siylanganidan so‘ng bu an'ana mamlakat bo‘ylab davom etdi.

Qo‘qonda tug‘ilgan va prezident ismi qo‘yilgan egizlarning ota-onasiga ham mashina berildi.

Shu oyning boshida Qashqadaryoning Chiroqchisida yashovchi 25 yashar Sadoqatxon ham shu niyatda uch egizak o‘g‘liga Shavkat, Miromon va Mirziyo ismlarini qo‘ydi.

Buxoroda, Qo‘qonda, Toshkentda tug‘ilgan egizaklarga ham prezident ismlari berildi.

Andijonda tug‘ilgan uchta egiz bolaga prezident ismi qo‘yilmagani uchun sovg‘a olishmadi.

Prezident ismlarini qo‘yib mukofot olish an'anasi marhum prezident Karimov davrida shakllangan edi.

2015 yili Qoraqalpog‘istonning Ellikqal'a tumanida tug‘ilgan Islom, Abdug‘ani va Karimlar oilasiga tuman hokimligi sog‘in sigir sovg‘a qilgan edi.

Rassom Kirpi
Eltuz.com