Jizzaxda «ko‘chinskiy»larga qarshi «maski-shou» o‘tkazildi

Jizzax viloyatida ham «Dolzarb – 40 kunlik» maxsus profilaktik tadbirlari doirasida jinoiy guruhlarga a'zo bo‘lgan, ijtimoiy muhitga salbiy ta'sirini o‘tkazishga urinayotgan shaxslarni qo‘lga olish va ularning jinoyat sodir etishining oldini olish maqsadida bir qator tezkor tadbirlar o‘tkazilmoqda. 

Xususan, maxsus xizmat va huquq-tartibot idoralari tomonidan o‘tkazilgan reydlar davomida ijtimoiy muhitga salbiy ta'sirini o‘tkazishga urinayotgan shaxslarga nisbatan jinoyat ishi qo‘zg‘atilib, jinoyat ishi doirasida 3 nafar shaxslar qo‘lga olinib, 12 nafar shaxslarga jinoyat ishlari bo‘yicha Jizzax shahar sudi tomonidan 15 sutka ma'muriy qamoq jazosi tayinlandi.

Shuningdek, jinoyat sodir etib, tergov va sud organlaridan yashiringan 17 nafar shaxslar ushlandi.
Xuddi shunday, viloyat hududida tezkor vaziyatga salbiy ta'sir ko‘rsatuvchi, jinoyat sodir etishga moyil 20 nafar shaxslarning yashash manzillarida maxsus profilaktik tadbirlar o‘tkazildi. Natijada noqonuniy buyum va ashyolarni saqlab kelgan 10 nafar shaxslar aniqlandi.

Qissadan hissa shuki, davlat qilich bilan bu Robin Gudlarni yo‘q qilishi mumkin. Ammo faqat qilichni ustida uzoq o‘tirib bo‘lmaydi. IIV va sud tizimi mazlumni himoya qilsagina ko‘cha o‘z o‘zidan yo‘qoladi. Eltuz esa voqealar rivojini yoritishda davom etadi. Kanalimizga obuna bo‘ling, videolarimizga layk bosing.