Bishkekda tag‘in etnofashistlar ko‘tarildi

Qirg‘iz etnofashistlaridan iborat olomon Bishkekda chet elliklarga hujum qildi – o‘nlab odam yaralandi.

Qirg‘iziston poytaxti Bishkekda 18 mayga o‘tar kechasi xorijlik talabalar va muhojirlarga qarshi zo‘ravonliklar ortidan 28 kishi, jumladan to‘rt chet el vatandoshi qamoqqa olindi.

Hodisaga Pokiston va Hindiston keskin munosabat bildirib, Bishkekdagi talabalaridan vaqtinchalik ko‘chaga chiqmaslikni so‘radi.

Bishkekda tahsil olayotgan pokistonlik tibbiyot oliygohi talabasi Muhammad Ihtisham Latif vaziyatni shunday izohlaydi:

«Bu yerda vaziyat yomon. Hammasi misrlik talabalar mahalliy aholi bilan mushtlashganidan keyin boshlandi. G‘azablangan aholi yotoqxonalarga bostirib kirib, hind va pokistonlik talabalarni kaltaklamoqda. Men kechadan beri boshqa talabalar qatorida universitetda qolishga majbur bo‘lyapman”.

Yana bir tibbiyot talabasi Sayid Shohrux Xonning aytishicha, o‘tgan tun ular uchun «dahshatli» bo‘lgan.

“Bizning yotoqxonamiz va boshqa ko‘plab yotoqxonalarga hujum qilishdi. Mahalliy aholi erkakmi, qizmi, kim bo‘lsa, urib, yerga sudradi. Hatto universitet tashqarisida ham pokistonlik va hindistonlik talabalarning ortidan borib, ularni kaltaklashdi”.

Pokiston Bosh vaziri Shahboz Sharif Qirg‘izistondagi pokistonlik talabalarning ahvolidan «chuqur xavotir» bildirib, Pokiston elchisiga talabalarga barcha zarur yordamni ko‘rsatishga topshiriq berganini aytdi.

Pokiston Tashqi ishlar vaziri Ishoq Dar ham vaziyatga munosabat bildirib, Qirg‘izistonda talabalarga qilingan zo‘ravonlik haqidagi xabarlar o‘ta tashvishli ekanini aytdi.

Qirg‘iz etnofashistlari kamida har o‘n yilda bir qutiradi. 1990 yili va 2010 yilda qirg‘iz etnofashistlari o‘zbeklarga xujum qilib yosh bolalarni o‘ldirib xotin qizlarni zo‘rlagan edi.

Qizig‘i shundaki Bi-bi-si va Ozodlik kabi xalqaro nashrlarning qirg‘iz xizmatida ishlatdigan jurnalistlarning ham «ultchi» ya'ni ashaddiy etnofashist ekani o‘rtaga chiqqan edi.

Bu sharmandalar qilgan jinoyatni men unutganim yo‘q.