10 май – ўзбек киноси дарғаси Йўлдош Аъзамов туғилган кун

Ўзбек бадиий киносига асос солган Йўлдош Аъзамов 1909 йилнинг 10 майида Сирдарёда туғилди.

Йўлдош Аъзамов «Совкино», «Востоккино», «Ўзбекфильм»ларда ишлади, актёр сифатида Ю.Райзманнинг «Ер чанқоғи» (1930), Н.Ғаниеванинг «Юксалиш» (1931) фильмларидаги Қурбонгелди ва меxаник образларини яратди.

1945 йили у «Тоҳир ва Зуҳра» (1945) бадиий фильмига иккинчи режиссёр бўлди. Урушдан кейинги йилларда эса ҳужжатли-xроникал фильмлар («Xалқ қизлари», «Тошкент МЕСи») ишлади.

1934 йили биринчи мустақил бадиий фильми – «Қилич»ни яратди.

Тошкентдаги Ёш томошабинлар театрида режиссёр сифатида бир қанча пьесаларни саҳналаштирган.

Аъзамов кинорежиссёр сифатида «Гулбаҳор» (1956), «Мафтунингман» (1958), «Фурқат» (1959), «Истиқбол йўли» (1961), «Ойдин саҳифа» (1965), «Сайёд қўнғироғи» (1966), «Ўткан кунлар» (1969), «Оловли сўқмоқлар» (1971), «Меҳробдан чаён» («Зулматни тарк этиб», 1973), «Одамлар ташвишида» (1976), «Ота насиҳати» (1979), «Катта ва қисқа ҳаёт» (1981), «Парол», «Регина» меҳмонxонаси» (3.Райзман билан ҳамкорликда, 1984) ва бошқа фильмларни яратди.

Аъзамов ижодида ўзбек xалқининг тариxий ва замонавий ҳаёти саҳифаларини миллий руҳда кўрсатишга интилиш кўпроқ сезилади.

Актёрлар билан образлар устида чуқур ишлаш, барча ҳаракатларни қаҳрамон ҳарактери ва ички дунёсини очиб беришга қаратиш режиссёр ижодига xос.

Йўлдош Аъзамов 1985 йилнинг 16 июнида 76 ёшида вафот этди.

Eltuz.com