Cатира
24 март 2017

Ўзбек футбол термаси уруш гирдобидаги Сурияга ютқазди

23 март куни футбол бўйича Жаҳон чемпионатининг саралаш босқичида Ўзбекистон терма жамоаси Сурияга ютқазди.

Анча суст кечган ўйин якунида пеналти орқали Сурия жамоаси Ўзбекистон дарвозасига тўп киритишга муваффақ бўлди. Ҳисоб 1:0.

2016 йили ўзбек футболининг коррупцияга ботганини танқид қилган журналистлар УзТВдан ҳайдалган эди

«Кўраяпмиз биринчи тайм тугар-тугамас футболчиларимиз чарчаб қолди. Тиллари осилиб юра олмай қолди» дейди футболни кузатган Элтуз суҳбатдоши ўзбекистонлик Миркомил.

Унинг фикрича бутун муаммо ўзбек спорти соҳасини эгаллаган коррупцияда.

Ўтган йили ЎзТВ журналистлари Зафар ва Диëр Имомхўжаевлар ўз кўрсатувларида коррупцияни фош қилишгани учун “Соккер клуб” ва “Футбол шарҳи” кўрсатувлари  кўрсатувлари эфирдан олиб ташланган ва уларнинг ўзлари ишдан ҳайдалишганди.

Ўзбек терма жамоасининг 6 йиллик уруш гирдобида қолаётган мамлакат терма жамоасига ютқазиши ўзбек футбол ишқибозларининг чинакам ғазабига сабаб бўлди.

«Кўрган кўзларим кўр бўлсин! Псих бўлиб, борадиган жойим бориди бормадим! Тфу ҳаммасига, хайф шунча қарор, хайф шунча пул, хайф, хайф….😀» дея ёзди Фейсбук юзери Мирзохид Ботиров.

«Ўртоқлар мен ўзбекистон ютади деб пул тиккан эдим, буларни оёғида тўп турмайди яна мақтанишади байроқни баланд кўтарамиз деб,ер билан битта қилишди», дея давом қилдиради норозилик бахсини Равшан Шералиев исмли мухлис.

«бузоқнинг югургани сомонхонагача!!! Узб.термаси бузоқ ҳам эмас!!!!! югурмайдиямку. Бабаян в отставку!!!!!!!!» дейди ғазаб билан яна бир юзер Акрам Жўрабоев.

ЎФФ президенти Мираброр Усмоновга Очиқ хат ёзган футбол ишқибози ва журналист Бобомурод Абдулла мағлубиятда, жамоа мураббийси Бабаянни айблайди.

Унинг фикрича мураббийликка нолойиқ шахснинг тайинланиши ўзбек спорти мутасаддиларининг катта хатоси бўлган.

Бошқа спорт ишқибози Миркомил фикрича айб биргина Бабаянда эмас.

«Бабаян нима қилиб бериши керак, бутун 30 миллионлик мамлакатдан йиғилган футболчиларимизнинг аҳволи шу бўлса?» дейди у.

Элтузга берган интервьюсида у мамлакат футболи бир гуруҳ тижоратчи ва коррупционерлар қўлида эканини айтади.

Миркомилнинг фикрича ўзбек футболи селекционерлари спортчиларни мамлакат ичидан қидириши ва етиштириб чиқариши лозим.

 

Eltuz.com

Тағин ўқинг
4 март 2016
Ўтган февраль ойида ҳам Ўзбекистон телеканаллари “эски ашулалари”ни баралла куйлашдан чарчамади. Яъни телеканалларнинг бош мавзулари яна ўша “маънавиятни юксалтириш”, ...
14 феврал 2018
Миллий хавфсизлик хизматининг Тошкент марказий сайилгоҳида жойлашган бош қароргоҳи бошқа жойга кўчирилаётгани ҳақида «Элтуз»га маълумотлар етиб келди. У ерга ...
24 апрел 2020
15 апрель куни Германиянинг Шимолий Рейн-Вестфалия бўлгасида тўрт нафар тожикистонлик ИШИДга алоқадорликда айбланиб қўлга олинган. Бундан олдин бу экстремистик ...
28 май 2018
Андижон вилоятида тадбиркорликни ривожлантириш мақсадида шу кунларда жисмоний ва юридик шахсларга ажратилаётган уч фоизлик кредитнинг манбаи коррупционерлардан мусодара қилинаётган ...
Блоглар
8 феврал 2025
Шу пайтгача «Анора» деган икки фильм олинди. Биттаси етим қизнинг ашлачи бўгани ҳақида¸ яна биттаси ...
23 январ 2025
Ўзбекистон мудофаа вазири Холмухаммедов босқинчи газанда Россия билан 2026-2030 йилларда ҳарбий соҳада стратегик ҳамкорлик дастури ...
20 январ 2025
Ўзбекистон президенти уйида йиртқич ҳайвон¸ илон ва хашаротларни боқадиганлар жазоланиши ҳақидаги қарорни 16 январь куни ...