Cатира
6 декабр 2017

Ўзбекистон арзон визани швед сайëҳига раво кўрмади

Президент Мирзиёевнинг 4 декабрдаги қарорига кўра, хорижий сайёҳлар учун олдинги 7-15 кунлик қисқа виза муддати 30 кунлик қилиб белгиланди. Виза тўловлари 60 доллардан 40 долларга туширилди. Лекин бундай визани олиш барча чет элликлар учун бирдай осон иш эмас.

Бу юзадан Ўзбекистоннинг Германиядаги консули Азимжон Озодов «Элтуз» мухбири саволларига жавоб берди.

Унинг сўзларига кўра, Германия, Италия, Чехия, Туркия ва Польша учун жорий этилган енгиллаштирилган виза қоидалари Европанинг бошқа давлатларига тааллуқли эмас.

«Масалан, шведлар билан виза жараёнини ўзаро енгиллаштириш жорий этилмаган», деди консул.

Унинг «Элтуз» мухбирига билдиришича, Ўзбекистонга агар швед ватандоши бормоқчи бўлса, аввало, у Ўзбекистондаги туризм агентлигига мурожаат қилиб, ўзи ҳақида маълумот бериши керак.

Унда сайёҳнинг қайси пайтдан бошлаб Ўзбекистонда бўлиши кўрсатилади. Шундан сўнг унга фирма «туристик кўмак», кейин шу ҳужжат асосида тегишли руҳсатнома расмийлаштирилади. Бу ҳақда Швеция ҳукуматига хабар берилади.

Шунингдек, бу ҳужжатда Швециядан Ўзбекистонга бориш учун виза олиш мумкин бўлган давлатлардан бири кўрсатилган бўлади.

Швециялик сайёҳ ўша ерга бориб, Ўзбекистонга сафар визасини расмийлаштиради.

Бошқа бир муаммо чет эл ватандошлигини қабул қилган ўзбекларга тааллуқли.

«Агар сиз швед фуқаролигини қабул қилган, илгари Ўзбекистон фуқароси бўлган бўлсангиз, албатта, биринчидан, бошқа фуқаролик олганингиз тўғрисида бизга хабарини беришингиз керак, иккинчидан, ўрнатилган тартибга асосан, Ўзбекистон фуқаролигидан чиқишга ҳужжат топширишингиз шарт», деди Озодов.

«Элтуз» мухбири суҳбатлашган, ўзбек ватандошлигидан чиқишга астойдил уринган швециялик бир ўзбекка кўра, бу анча мураккаб, узоқ, баъзан умуман амалга ошмайдиган бир жараёндир.

Швециянинг Стокҳолм шаҳрида 4 декабрь куни ўзбек мигрантлари билан учрашган Ўзбекистоннинг Германиядаги консули Азимжон Озодов уларни швед ватандошлигидан кечиш эвазига cертификат расмийлаштириб, Ўзбекистондан қайтишга ундаган эди.

Рассом Туз
Eltuz.com

Тағин ўқинг
10 апрел 2016
Ўзбекистон дорихоналарда сотиладиган дори-дармонларнинг анчагина қисми ноқонуний йўллар билан олиб кирилиши ёки қалбаки экани тўғрисида кўп айтилади. «Диёнат» газетаси ...
30 ноябр 2021
Мактабгача таълим вазирлиги мулозими имтиёзли кредитнинг 10 фоизини порага бермагани учун тадбиркорнинг болалар боғчаси қурилишини якунлашига халақит қилмоқда, дейилади 29 ноябрь ...
9 октябр 2019
Жамоат арбоби ва консалтинг ширкати директори Азиза Умарова Ўзбекистоннинг Евроосиё иқтисодий иттифоқи (ЕОИИ)га қўшилиш эҳтимолини қаттиқ танқид остига олди. ...
14 декабр 2017
14 декабрь куни таниқли фоторассом Умида Аҳмедова ўзининг фейсбук саҳифасида бузилаётган Киночилар уйи ҳаробаларини суратга олишга боргани ҳақида ёзди: ...
Блоглар
28 май 2024
Мен миллатчи эмасман! Лекин қайтадан таъмирлатилган ва Тошкент шаҳрининг собиқ ҳокими Ж. Ортиқхўжаев томонидан Пасхага ...
11 май 2024
1944 йилнинг 11 майида Сталин барча қрим татарларини Қримдан сургун қилиш ҳақидаги машъум қарорни имзолади. ...
6 май 2024
Ҳайрли кун! Урганч шаҳрида яшайман. Бугун қуйидаги воқеа юз берди: мен автобусда телефонда гаплашиб тургандим. ...