Асосий мавзулар
18 декабр 2019

ИИБ ўғирлаб кетилиб, калтакланган тошкентлик блогер ишини суриштира бошлади

Тошкент шаҳри ички ишлар бош бошқармаси 16 декабрь куни тошкентлик 35 яшар Амир Шарифуллиннинг номаълум шахслар ўғирлаб кетиб калтаклашгани, сазойи қилишгани юзасидан аризани қабул қилди.

Шу куни «Азия терра» нашри  бу ҳақда мақола чоп этилган эди. Фарида Шарифуллинанинг «Элтуз» мухбирига билдиришига кўра, Алексей Волосьевичнинг айни мақоласидан сўнг суриштирув жадаллашган.

Тошкент ШИИББ вакиллари подполковник Умид Қурбонов ва лейтенант Дмитрий Медведский воқеа юзасидан Амир Шарифуллиннинг уйига келишган.

Улар одам ўғирлаш воқеаси тафсилотларига аниқлик киритиш ва ариза қабул қилиш учун Фарида Шарифуллинани ШИИББга олиб боришган. У ерда Фарида Шарифуллинанинг аризасини қабул қилишган. Шаҳар ИИББда унинг иддаоларини тинглашган, ўғлининг ўғирланиши ва калтакланишига оид аризасини қабул қилиб олишган, тиббий кўрикдан ўтказишга жўнатишган. Бу суриштирувга жуда кўп куч ташланган.

«Суриштирув бошлангани яхши, албатта. Бироқ фақат улар ишни сиёсий рельсдан одатдаги жиноий жанжалга буриб юборишларидан жуда қўрқаман», дейди Фарида Шарифуллина «Элтуз» мухбари билан суҳбатда.

Амир Шарифуллинни 10 декабрь куни ўзини ДХХ ходими деб танитган икки номаълум шахс «Спарк» машинасида бошига қоп кийгизиб олиб кетган. Кейин уни телефон камераси олдида ечинтириб, фейсбукда тарқатган изоҳлари учун (номаълум шахсдан) кечирим сўрашга мажбурлашганини билдирган.

Бу ҳаракатни у бугунги кунда йигирма мингдан ортиқ одамни бирлаштирган “Тошкент-СНОС” фейcбук гуруҳининг маъмури бўлган онаси Фарида Шарифуллинага босим ўтказиш эҳтимоли билан изоҳлади.

Eltuz.com

Тағин ўқинг
14 феврал 2022
Интернет технологиялари ҳаётимизни тез ўзгартирмоқда: қаерда бўлмасин, улар бизга ахборот олиш, маълумот алмашиш ва мулоқотга кириш имкониятларини кенгайтирмоқда. Шу ...
6 ноябр 2020
 Ойна – менинг энг яхши дўстим. Чунки йиғлаган пайтим у ҳеч қачон кулмайди. Мана, ҳафта бир айланди ва яна ...
28 июн 2021
Асфальти йўқ кўчалар, газлаштирилмаган уйларимиз ҳақида «Дўстлик байроғига» ёзганимда ўн уч ёшда эдим. Қишлоғимизни бадбўй ҳидга тўлдирган, мевали дарахтларни ...
21 декабр 2020
Қишлоқи қиз шаҳардаги бой оилага келин бўлиб тушгач, ўз уруғларидан уяларкан: «Кевурманглар кир-чир бўлиб. Бизани уйимизага фақат чиройли кийинган ...
Блоглар
30 сентябр 2023
Шанба куни Берлин марказида айланиб юриб, тасодифан бир никоҳ тўйининг гувоҳи бўлдим. Тўй кортежи биттагина ...
27 сентябр 2023
Бугун Рауф Парфи номи эсланаркан, унинг асл шогирдлари билан бир қаторда устознинг номига суйканиб, «бир ...
25 сентябр 2023
Жонибек деган овқат элтувчининг АҚШда клиент хотинниг эмчагини эзғилагани учун қамалиб, 20 минг дўллар иштрап ...